A nkwa méngou’ mpè fôk mbœu’ ndôk ntông épouô anè lékimté legwheu Yésso. Lélœuè a nnô pôp é ping ngô épouô pi mpè té si nzhè wôp-ô. Mpè pôngtè lézeung ntông épouô pi mpè si nzhè wôp, mela’mi mpè lé jiô léghè, épouô é ghakné mveung-è léshi’ afœu’ zi gning yi pô si nzhè, a tông-ô wôp. (yb08-F 12 § 1; 14 § 1) Émô’ épouô pi o ghô ping ntông, é si ngô pô wô?

• Épouô mbaa pè

• Méssoo afa’, kèè méssoo assikou lè

• Méghang nkô’ônguia

• Épouô pi o zè nzii a léwoua wôp, épouô pi o si nzi’nè wôp a Biible, kèè épouô pi o lé zi’nè wôp Biible éfœu’ mvhô lè

Ménfènè é ghô zeung ntông épouô pi é té zè mbheu nkeu Lefô. O ping nông fa’a létông-ô gning yi o si nzhè, ngang a ping té nang a lépfou yi o nang-a jou éwou, mbô o ghaa? O ghô gheuô anè apap zi lè, MPEUKÈ PÔ WÔ a nteu jw.org, nnô’ô “Lékimté legwheu Yésso,” ndôk njiô njheu pô nguia atchou’té zi a ghô gheuô éwou. O nông mbètè nèt jou anè lékimté legwheu Yésso zi ngou’ jiô, o fhœutè anè épouô pi o si nkông-ô létông, mbing ntouô wôp ta’ apap a lélôk ntông épouô.