Nzôknzeum Paska a lè té ntseukné a mbou Yésso. Legwheu yi a lé nông mbaatè, a ping mbou nông ntsaa léjheuè alina mèt pô mézingto pi mbing ntshiè alina Ndi, azi pô fou zôkô jheuè a nkwa méngou’. Poup tè a lé touô Pierre pô Jean, nguè pô gheuô mbètè aji’ zi pô a pôp é jheuè alina mèt éwou. (Luc 22:​7-13; tchiitè fitou yi a mbeu akèté.) Mpè fhou poup njou’ô léghè mpè pôngtè lépèté Lékimté legwheu Yésso, éyi a shi’ ghô anè alé’é 27 anè méssang 3. Métchou’té é nda’ ntsô’ô nfènè yi a shi’ yè ashoung-né, mbèté melou’, nzeung mbèté pa’ mè shi’ gheu mbrè poup, mbô émô’ métsoo. Mpè ghô ping mbèté nèt zimpè é lèkô, té ndôk nzu’tè alé’é mèt-é?

Pèté nteu wou. Tông méleung Biible mi é tchiitè legwheu Yésso, mbing fhœuté éwou. Ta’ atangté a nteu Examinons les Écritures chaque jour. Atangté zi a nzeum La Bible. Traduction du monde nouveau, anè Appendice B12, a wè épô métsoo mi é gheu létông méleung Biible mèt, a ku’né mbông. (Zeung-è ntchiitè Akèté atchou’té ntsi lénang kritèn pô afa’ Lefô, azi méssang 4 anè ngou’ 2020.) Métseung-è nguia ghô zeung ntsa’ métsoo anè njouô-athou a nteu Index des publications des Témoins de Jéhovah, kèè a nteu Guide de recherche pour les Témoins de Jéhovah lè, afœu’ zi pô si ngheuè atchou’té atseung-è nguia zôp.

Tông émô’ épouô. Ku’nè mbheu nkeu Lefô afœu’ zi mè tông-ô épouô anè Lékimté legwheu Yésso. Kwangté épouô pi o ghô tông, pa’ épouô pi o ké zè mbheuè nkeu Lefô a mbou pôp, épouô pi o lè nzi’nè wôp Biible, épouô pi o zhè wôp, ngheu épouô mbaa pè. Ménfènè é pôngtè létông épô mémia pi é té zè mbheuè nkeu Lefô. Gning yi o si fa’a létông, a ghô té lépfou wou nang, mbô o ghô gheuô anè jw.org, nnô’ô MPEUKÈ PÔ WÔ, mbaaté nnô’ô “Lékimté,” ndôk njiô njheu mbô aji’ zi a ghô shi’ njheuè alina mèt éwou.

Mpè ghô zeung ngheuè akô té ndôk mbèté nèt zimpè?