Nda’ épouô pi é laané anè éshheu ajwakné mè wè léssoo mbông pô Joovah. (1 Pierre 1:14-16) Épouô pi é si nzi’nè Biible pô nông fôkô mbœu’ ndôkô ngwa’ atshuè tépông, mbô pô ghô jou’ô mbông-ô a nteu atseung-è nguia, njou’ô mbông-ô a nteu nèt pôp, mbing nzeung lé tseungté nkap léya.

Kè’té ménteukné Joovah éshoung-ô wôp a mbông-ô, éshoung-ô wôp mela’poup tè a yè ménteukné mèt, mbing nzeung shoung-ô wôp apè zi pô ghô jheu a lézing éwou. Pou fôk mbœu’ ndôk nkuité épouô pi o si nzi’nè wôp Biible a lékoumné ntsi zi pô lôk nkwangtè azou poup, nzhè léghè a gheu tè atshuè zôp a zeung nkoumnè zi. (Éph. 4:22-24) Kuitè wôp a lé pou nzhè té mi’té nguè pô veung-è nguè Joovah a kuitè wôp, mbô pô ghô kou’ô wôp a léwa’ atshuè tépông zi a lé pou ngôô métshi môp. (Phil. 4:13) Zi’nè wôp a légheuè apriya éfœu’ zi mbeunèt zôp é si ntshounè wôp anè méfaa. Kuitè wôp a léying-né métsoo mi é ghô tshounè wôp a légheuè anou tépông, mbing nkœue. Seumtè wôp a léghôk méfa’ mbông ndôk nkoumnè atshuè tépông. O nông jiô pa’ épouô pi o si nzi’nè wôp Biible é si ngwa’ atshuè tépông poup, a gheu o ghô mé lékak.

JIÔ VIDÉO YI LÈ KUITÉ ÉPOUÔ PI O SI NZI’NÈ WÔP A BIIBLE A LÉ POU NGWA’ ATSHUÈ TÉPÔNG, MBING NTSÔ’ MÉNZÈTÉ MOUÔ:

• Neeta pô ménfènè é lé tsui nguè pô si sang-a anè Jade é lèkô?

• Neeta a lé zeung ntswhi nkuitè Jade, é lèkô?

• Jade a lé gheuè akô ndôk ntsui nguè a si ntsaa nguè Joovah a kuitè yi?