Jacob a lézhè léghè mè pôngtè légheumté a Joovah nda’, tè mbô pa’ Joovah a lé zèè té yè lépeu ndôk ntô’ô légheumté méleum tépông. (Ex. 20:3-5) Mela’poup tè, afœu’ zi Joovah a lé leuè mbou Jacob nguè a ping nzeum a Béthel, Jacob a leuè mbou épouô atseung-è nguia zi nguè pô pou ngwa’ méleum tépông. Jacob a lé leu nguè pô pou ngwa’ méleum tépông, tè mbô mékwang létoung émi pô lè nzwuikè ndôkô mbaa athouô zôp. (Gen. 35:1-4) Mè pou ngô lé mi’té léleu nguè ajoumi Jacob a lé gheu, a lé pông-ô Joovah.

Mpè ghô zeung ntsui nguè mpè gheumtè Joovah nda’ anè aya’a, é lèkô? Mpè pôngtè lé pou ngwa’ ajoumi a tsou’nè anè méleum tépông pô lékang. Mè lôkô ndeuè a lé pou ngwa’ métsoo mi mè wè a lélôk mbaa athou, mbing nzeung ntchhinèt ntsa’ métsoo mi mè lôkô ngangtè. Mpè pè éfœu’: O ghô zèté nèt jou nguè, ‘Tè métsoo mi meung ndôk ngangté, é tsou’nè anè méleue, anè mézômbie, kèè mbô akô lè zi a wuè atchouang pô mésitépong? Tè métsoo mi meung ndôk ngangté, é tsui nguè lékang, lélôk sia nkouèrè gning, mbô léma’ ndôô athou gning, é si ngô métsoo mbông?’ Mpè pôngtè lékœue ajoumi Joovah a paa.—Ps. 97:10.

JIÔ VIDÉO YI LÈ “MPÈ LŒUÔ’Ô SÈTA,” MBING MBAATÉ NGUIÈ MÉNZÈTÉ MOUÔ MI É PAATÉ A MBOU ÉPÔ MÉMIA:

• Éziè nguengue é lé shi’è anè Palesa yi a lé nông nzi’nè Biible?

• Mpè tshiè anè anou zi a si ntchiitè lékang, mbô léfa’a léghè ménfènè é kuitè yimpè, a si ngô a léghô nghi, mela’akô?

• Épouô pi si nkông-ô léghè Joovah a kaptè wôp, é pôngtè lé pou ngwa’ akô?

• Palesa a lé pou nkak méteue ndôk ngheuè akô?

• Émô’ métsoo mi o ghô kœue ndôk mbaa mésitépông aji’ zi o nang éwou, é si ngô émiè?