Mpè pôngtè léfôk mbœu’ éfœu’ métseum ndôk ngwuè akou’tè nèt, mela’mi mpè méghang méfaa. Mpè ghô té poup gheu, mbô mpè pii léssoo tsi mpè wè pô Joovah. Mpè pèè éfœu’, émô’ épouô é kông étsoo léjheu, nkông ménzhou mbô nguia zôp tè’, ntôkô Ndem. Épimô’ é ping ngheuè anou gning mbang-a pô méngwi, té mma mémbeu Ndem. (Rom. 1:​26, 27) Émô’ épouô é ping ngheu métsoo poup, mela’mi pô si ndèè fa’a léghè mè veung-è wôp.​—Ex. 23:2.

Mpè ghô ping ngaa té ngwuè akou’tè nèt-é? Mpè pôngtè léfôk mbœu’ ndôk mbou ntshi mékwangté mimpè anè métsoo ajwakné. (Mat. 4:4) Mpè zeung mbôngtè léswingtè Joovah nguè a kuitè yimpè a léwuè akou’tè nèt. Mela’akô? Mela’mi a si nzhè ajoumi a mbông a mbou pimpè, nzeung nông nzhè pa’ a ghô gheu poup té nguiè yimpè ajoumi mpè si ntsaa a léwè.​—Ps. 145:16.

JIÔ VIDÉO YI LÈ TÉ NEUNG NGUÈ ASSIKA A TSEUNGTÉ LÉNANG TCHOU, MBING NTSÔ’ MÉNZÈTÉ MOUÔ:

• Émô’ épouô é nou assika mela’akô?

• Lénou assika a ghô neung-è aziè alô’ a mbeunèt wou?

• Lénou assika mbô léjou’ô azikè assika, a tépông mela’akô?​—2 Cor. 7:1

• O ghô gheu lèkô té ndœu’è wou a lénou assika? A ping ngô yi o nda’ zii a lénou, mbô o ghô wa’a atshui mèt é lèkô?