Épouô pi é si nzi’nè Biible pô pôngtè léwuè aveung-è nteu zi a teueté, tè Ndem a veung-è wôp. (Héb. 11:6) Mpè ghô lôkô akèté Pè jheuè apè anè lénang temi!, nkuitè wôp a légheu poup. Akèté jiô mèt a wè méleung Biible mi é tseukné, nkè’té métsoo anè ntsi zi é zang-nè léjou’, ngwè ménzèté mi é pfeung nteu, ngheu mévidéo mi é seumté, mbô mépông méfitou. Mpè kuité épouô pi mpè si nzi’nè wôp Biible a léwuè atshuè mékritèn mbing ngwè léssoo mbông pô Ndem pa’a, a lôkô ngô a lélôkô tsitsi yi a teueté, nkouètè aveung-è nteu zôp.​—1 Cor. 3:​12-15.

Émô’ épouô é kwang nguè a teuè létchi’è éssoo Ndem, melami pô ghô lé yi jiô. Mela’poup tè, mpè pôngtè lékuitè wôp a lézhè Joovah mbing sang-a anè yi.

JIÔ VIDÉO YI LÈ LÔKÔ AKÈTÉ “PÈ JHEUÈ APÈ ANÈ LÉNANG TEMI!” NKUITÉ ÉPOUÔ A LÉWUÈ AVEUNG-È NTEU ANÈ JOOVAH, MBING NTSÔ’ MÉNZÈTÉ MOUÔ:

• Mpè ghaa té nzhè léghè meung-mô yimpè éyi méngwi a mbètè azi’né Biible a mbông-ô?

• A ping ndôk épô ménzèté nkuitè gning yi a zi’nè yi Biible, a léshoung-ô ajoumi a fhô ataa nteu yi anè Isaïe 41:10, 13 é lèkô?

• Gning yi meung-mô a zi’nè yi Biible a jiô vidéo nzeung ntông méleung Biible, mbing njou’ ngô é lèkô?

Épouô té nzaané é té zhè ajoumi njouô-athou é éziè, mbing nzi té zhè nguè é si ngô ntang-a zi Ndem a lé yè a mbou pôp-ô. (Gal. 2:20) Poup tè, mpè pôngtè lékuitè wôp a léwuè aveung-è nteu anè njouô-athou zi Yésso a lé pèè.

JIÔ VIDÉO YI LÈ LÔKÔ AKÈTÉ “PÈ JHEUÈ APÈ ANÈ LÉNANG TEMI!” NKUITÉ ÉPOUÔ A LÉWUÈ AVEUNG-È NTEU ANÈ YÉSSO, MBING NTSÔ’ MÉNZÈTÉ MOUÔ:

• Mpè ghaa té nzhè léghè meung-mô yimpè éyi gning mbang-a a mbètè azi’né Biible a mbông-ô?

• A ping fhô anè apak zi lè “Ku’nè fa’a lézhè,” nkuitè gning yi a zi’nè yi Biible é lèkô?

• Légheuè apriya athou gning yi mpè si nzi’nè yi Biible, a si ngô azou té ntseukné mela’akô?