Nzôkô ngông jiô é nông nku’nè paatè, mpè ku’né njiô épouô a léneung-è ataka-taka a nteu ala’, ménzông é ku’né nzaa, ntchou é ping nzeung nku’nè zi. (Rév. 6:4) Mpè ghô ping ngaa té mbèté ménèt mimpè, ndôk nzu’té ménguengue mi é mvhô shi’è?

• Pèté nèt jou anè éshheu ajwakné: Teue-njheu éfa’ a lézhè ménteukné Biible mi é ghô kuitè wou a lé pou nku’né sang-a anè Joovah pô atchou’té zi, mbing nzeung nkuitè wou a lé ghô lé neung ntchou wou anè ménou ngông-ô. (Prov. 12:5; jr-F 125-126 § 23-24) Éjiô é si ngô njheu mbông, a lélôk nkouèt léssoo tsi é teueté pô épô mémia a nguia atchou’té.​—1 Pierre 4:​7, 8

• Pèté nèt jou anè éshheu mbapnèt: Pèté nèt jou a lénang-a mbaa wou, mbing feung métsoo pa’, étsoo léjheu, ngheu ntshi nnou, ngheu méfhou, mbô émô’ métsoo mi é ghô kuitè wou, tè é nna’ ngô azou. Zeung-è mbèté pa’ o ghô kœue poup, éyi a si nzèté nguè o fhô a mbaa wou ngueô. Tchiitè atsitsi yi a nteu apaa zi o lôkô nkœue éfœu’ ndœuè-nou, nzeung nku’né métsoo pa’ mégant, ngheu mémasque mbô nkap a nteu éwou. Wè anoumba ménfènè, mbing nzeung nguiè ajou anoumba a mbou pôp.​—Is. 32:2; g17.5-F 3-7

Ku’nè nkouèt léssoo tsè Joovah tè é teueté afœu’ zi taka-taka a ghô assi. (Phil. 1:10) Té zingté, nda’ yi mè zèté nguè o fhô aji’ zi o éwou, nkœue. (Mat. 10:16) Ghapté étsoo léjheu ngheu émô’ métsoo mi o wè, pô émô’ épouô.​—Rom. 12:13.

JIÔ VIDÉO YI LÈ TÈ O PÈTÉ NÈT JOU ANÈ MÉNDŒUÈ ANOU MI É GHÔ TÔKÔ ASSI?, MBING NTSÔ’ MÉNZÈTÉ MOUÔ:

• Joovah a ghô kuitè yimpè é lèkô éfœu’ zi méndœuè-nou é touô assi?

• Mpè ghô gheu émiè métsoo té ndôk mbèté nèt-é?

• Mpè ghô kuité émô’ épouô pi ndœuè-nou a gheuè wôp, é lèkô?