Yésso a lè nzeung-è fhô anè ménou mi é lè ntôkô assi, mbheuè nkeu Lefô. (Luc 13:​1-5) Wou ngnwèt, o ghô zeung fhô anè ménou mi é si ntôkô assi, ngheu tè épouô é tsaa wôp a léjou’ nkeu mbông Lefô. O ghô kim pa’ njheu é si mbou nteuè poup, nkim méndœuè-nou, nkim ataka-ntaka yi a nteu ala’, nkim wô nnou mbanga, kèè amô’ azou poup lè, té mbing nké nguiè ta’ nzèté zi é tshouné épouô a léfhœuté. O ghô zèté nguè: “Tè o kwang nguè . . . ghô neung-è alé’é mii?” kèè nguè “O kwang nguè akô ghô gheu tè . . . pou mii?” O pik té nzèté poup, ngô yi o ghô tông-ô ta’ léleung Biible tsi é shoung-né anè anou zi o kim. Ngang a tsui léghè a pông-ô yi, o tsui yi ta’ vidéo, kèè nguiè yi ta’ akèté zi a touô nteu Tsitsi lélôk nzi’né épouô a Biible lè. Mpè lèè mbou nku’né fôk mbœu’ ndôk mpfeung nteu épouô a nka’ Lefô, mbing “ngheuè ajouô tseum zi mpè kou’, nzhè léghè afa’ Lefô a ku’né gheuô mé mvhô.”​—1 Cor. 9:​22, 23.

Émiè ménou é ghô tswhi mbông épouô aji’ zi o nang éwou?