Nkông-né é si ngô élè yi é gheu épouô ta’ atseung-è nguia pou ngyèné ngô ta’. Nkông-né é ghô té assi, mbô épouô atseung-è nguia é té jou’nè. Épouô métseum é ghô tsui nkông-né a nteu atseung-è nguia, é lèkô?

Mbông Ndoo, a pôngtè léfhœuté anè métsoo mi é si nzaka mbou ngwi yi, nzu’té éfœu’ zi a si nguiè zi akwangté anè azou, kèè éfœu’ zi a si shoung-ô yi pa’ a si njou’ô ngô poup lè. (Éph. 5:​28, 29) A pôngtè yi a léyè ajoumi a si nzaka mbou atseung-è nguia zi, anè éshheu ajwakné mbô anè éshheu mbapnèt, mbing ngô éfœu’ métseum ngheuè atchou’té atseung-è nguia. (1 Tim. 5:8) Méngwi mbông, a nông nèt assi a mvhô ndoo yi, mbing nguiè yi “mia awou’té.” (Éph. 5:​22, 33; 1 Pierre 3:​1-6) Pôp mémpia é pôngtè lékông ntchoussi méfaa môp a nnô pôp. (Éph. 4:32) Mépông mémô’ô é kông wônkheu pôp, mbing nzi’nè wôp a lékông-ô Joovah. (Deut. 6:​6, 7; Éph. 6:4) Wônkheu pôp é wè émiè ménguengue aji’è assikou? Pô ghaa té ngning a mvhô méssoo assikou pi feunè wôp-é? Nkông-né é gheu épouô ta’ atseung-è nguia é pou ngô mé lékak, mbing té amô’ azou pôk.

JIÔ VIDÉO YI LÈ TSUI NKÔNG-NÉ TEMI A NTEU ATSEUNG-È NGUIA JOU, MBING NTSÔ’ MÉNZÈTÉ MOUÔ:

• Ta’ mbông ndoo a ghô tsui nguè a toung-nè ngwi yi, é lèkô?

• Méngwi mbông a ghô tsui mia awou’té a mbou ndoo yi, é lèkô?

• Mépông mémô’ô é neung-è Ashoung-né Ndem a nteu wônkheu pôp, é lèkô?