Lépœu’tè akhouô lézing gning, a si ngô léteukè yi, nzi’nè yi azou, kèè nzeung mbônessi yi lè. Joovah a pœu’tè akhouô lézing zimpè ndôkô fa’a nguè mpè wou’tè yi anè ntsi mbông. (Rom. 12:1; Héb. 12:​10, 11) Mpè mmô’ éfœu’ njou’ tépông afœu’ zi mè pœu’tè akhouô lézing zimpè, téta’, a ghé zôkô, ngheu mpè ghô ndeung-ndeung, nzeung njheuè apè. (Prov. 10:7) Gning yi mè teukè yi, mbô gning yi a yè nteukné, é pôngtè lékimtè akô?

Gning yi a yè nteukné. Pa’ Joovah a lôk apông-ô nteu mbô nkông-né té teukè gning la, ménfènè, mémô’ô, mbô épouô méndè’è é pôngtè léfôk mbœu’ ndôk fœu’nè yi. (Jér. 46:28) Gning-è zi mbou faa lèkô lè, mbô mè pôngtè léfhô anè ajoumi a gheu, té nguiè yi nteukné, mbing ndôk nkông-né té gheu poup.​—Tite 1:13.

Gning yi mè teukè yi. Nteukné é zi mbou shi’ é lèkô lè, mpè lèè ntra nzing poup ndeung-ndeung. (Prov. 3:​11, 12) Mpè métseum é méghang méfaa, poup tè a zèté nguè mè pœu’tè akhouô lézing zimpè. Joovah a tsia anè Biible, mbô anè métchou’té, nteukè yimpè. A mmô’ éfœu’, nzèté nguè ménfènè métèt é nang-a assi, té mbœu’tè akhouô lézing gning. Mpè jou’ô nteukné, mbô mpè fou zôkô jou’ô mbông-ô.​—Prov. 10:17.

JIÔ VIDÉO YI LÈ “ÉPOUÔ PI JOOVAH A KÔNG-Ô WÔP, A PŒU’TÈ AKHOUÔ LÉZING ZÔP,” MBING NTSÔ’ MÉNZÈTÉ MOUÔ:

• Lénang Canon é lé ghé zii, ngô lèkô? Lénang tsi é lé ping nkoumné, é lèkô?

• Joovah a lé ping mbœu’tè yi mé nkông-né, é lèkô?

• Mpè ghô fhô anè pêté meung-mô Canon, nzi’nè akô?