GHÔKÔ AFA’ LEFÔ NEUNG NTEU | KU’NÈ LÉKAK WOU ANÈ LÉPHEU NKEU LEFÔ
Zi’né épouô mé aghangté nèt
Mpè wuè aghangté nèt, mbô a gheu épouô pi lézeung pimpè pô ghangtè zôp, é ping zeung gheu pô fa’a léjou’ ajoumi mpè si shoung-ô wôp. Légheu poup a zeung ntsui léghè nkeu Lefô é tseuknè mbou pimpè. Mpè métseum ghô kou’ô léghangté nèt. (Rom. 12:11) É lèkô?
Fhœuté anè pa’ nkeu Lefô é tseukné poup. A si ngô a mia lewou’ a “léshoung épouô métsoo mbông!” (Rom. 10:15) Zeung-è fhœuté anè pa’ nkeu Lefô é ghô kuité épouô pi si njou’ô wou a léwè lénang mbông poup. A si nzètè nguè pô jou’ nkeu mbông. (Rom. 10:13, 14) Ping ngué zôkô, éshoung-né mé azèè, ngnhèné pa’ o ghôô ngnhènè poup, mbing ngheu tè alaa-éshheu jou a tsui pa’ o si nkwa’a njou’ô ngô poup.
JIÔ VIDÉO YI LÈ LÉKUITÉ ÉPOUÔ A LÉTCHI’ MÉZINGTO, A GHEU MPÈ GHÔ MÉ LÉKAK—FRÈ ANÈ AFA’ LEFÔ—ZI’NÉ ÉPOUÔ MÉ AGHANGTÉ NÈT, MBING NTSÔ’ MÉNZÈTÉ MOUÔ:
-
Akô lé gheu tè Neeta a té zeung ngangté éfœu’ zi a si nzi’nè Biible a mbou Jade?
-
Akô lé kuitè Neeta a lé zeung ngangté?
-
Gning yi a ghangté, a gheu épouô pi é lézeung yi pô zeung ngangtè zôp
A zèté nguè mpè ntshi méneuk mimpè anè atshuè mbông épouô pi mpè zi’nè wôp Biible, mela’akô?
-
Ntsi zi mpè lôk ngangté poup, é ghô wè aziè aping-né anè épouô pi mpè zi’nè wôp Biible mbô anè épouô méndè’è?
