Lézhè létshiè aji’ gning a si ngô léjou’ ngueô’ ngang, nzeung nzhè ajoumi si nking-è a mbou yi. Mè tshiè aji’ gning pa’a, ngang a ghakné njiô; nkông-né mè ping ntshounè yimpè a légheu poup. Mpè tshiè aji’ épouô a nka’ Lefô pa’a, ndôkô fœu’nè nkông-né pô apông-ô nteu Joovah, a ping ntshouné épouô a léshi’è mbou yi.​—Phil. 2:4.

Lézhè létshiè aji’ gning a té si ngô ajoumi mè tshounè gning tshouné tè a gheuè; Mè ghô fhô anè alaa éshheu gning, mbô anè méshoung-né mi, ngheu ntsi zi a lôk ngnhèné poup, nzhè ngô yi a zhè létshiè aji’ gning. Mpè kông-ô gning té fhô a taa nteu pa’a, nzhè létshiè aji’ yi, njiô pa’ lénang tsi é poup, njou’ mékwangté mi, nzeung éfa’ nguè a jou’ô mbông-ô. Létshiè aji’ gning a zeung ntshounè yimpè a lézi’nè yi métsoo, nkuitè yi, mbing ké lé feunè yi a lékoumné atshuè zi. Épouô é jiô pa’ mpè si ntshiè aji’ pôp mbing mveung nguè mpè kuitè wôp pa’a, a gheu mpè ku’né ngô mé lékak.

JIÔ VIDÉO LÉKUITÉ ÉPOUÔ A LÉTCHI’ MÉZINGTO, A GHEU MPÈ GHÔ MÉ LÉKAK​—FRÈ ANÈ AFA’ LEFÔ​—ZHÈ LÉTSHIÈ AJI’ ÉPOUÔ, MBING NTSÔ’ MÉNZÈTÉ MOUÔ:

• Neeta a zhè yi létshiè aji’ Jade é lèkô afœu’ zi a ying-è yi léshi’é?

• Neeta a zhè yi létshiè aji’ Jade é lèkô afœu’ zi a shoung-ô yi nguè a si nkaa tè pô yi é ghô lé azou zi’né?

• Neeta a zhè yi létshiè aji’ Jade é lèkô afœu’ zi a shoung-ô yi nguè a té zhè yi léwuè mbông atangtè-è?