Mpè métseum é ghô anè méssang 9, étchou’té, é lôkô môô akèté Pè jheuè apè anè lénang temi!, é zii mézi’né Biible a nteu nkwa métseung-è nguia a nka’ Lefô. Épô mémia é ghô shan afa’ ngnha’-nzhè anè meung-è gha’ éfœu’ anè sang mèt, éyi pô pheu nkeu Lefô méhawa 30. Campagne mèt a shi’ tôk é lèkô?

• Lézii ashoung-né pô gning: Fhô anè apap zi a mbeu môô akèté, a nzeum, ngheu tè épouô é tsaa wôp a léjou’ nkeu mbông Lefô, mbing ntsui wôp pa’ azi’né Biible a tôk poup. Kimté épouô pi é keung nda’ ntsui nguè pô si nkông-ô léjou’ nkeu mbông, mbô épouô pi o ping nzeum ngwoua wôp a nka’ Lefô. Akèté swhi, mbô ntsi swhi zi mpè lôkô nzi’nè épouô azou, é ghô pông épouô pi pô lè éfœu’ mvhô, ndœu’è wôp a lézi’nè Biible. A té si nzètè nguè mpè zapa a môô akèté wouô mèt a mbaa épouô té gning ngô assi, kèè nzeung neung-è nteu enveloppe lè, mbing ntoo nguia a mbou gning yi a lè mvhô légheuô ntsui nguè nkeu é kaa yi pông-ô. Nnô ménfènè métèt pi é tsang-a afa’ Lefô a nguia atchou’té é ghô kia kèè mè ku’né mélé’é a lélôk mbheu nkeu Lefô anè sang mèt, kèè ngang lè.

• Émô’ méshheu: A ghô yi mè nguia atchou’té pè, ndôkô présentoir mbheu nkeu Lefô, mbô o ghô zapa épô mékèté Pè jheuè apè anè lénang temi! éwou. Gning a kui a môô akèté, o shoung-ô yi nguè ta’ Njheuè-njiô Joovah a ghô zi’nè akèté mèt pô yi, té kui nkap. O ghô tsui yi pa’ azi’né Biible a tôk poup ôô éfœu’ mèt, kèè éfœu’ ndè’è lè. Nfènè yi a tsang-a afa’ Lefô a ghô pèté épô mémia pi é frè anè afa’ Lefô a légheuô a méji’è éssaa, mbheu mézi’né Biible a mbou épouô. O ghô zeung mbheuè azi’né Biible a mbou méssoo afa’, mbô a mbou épouô pi o pootè mènzhè, kèè aji’è ndè’è lè.

Yésso a lé tseukné nguè mpè “gheu mézingto,” “mbing nzi’nè wôp.” (Mat. 28:​19, 20) Nguè campagne wouô a lèè nkuitè yimpè a lélôkô akèté Pè jheuè apè anè lénang temi!, ngheu pa’ Yésso a lé tseukné poup.