Joovah a tsia anè “mia atseung-è nguia” épô mémia pimpè, nkuitè yimpè. (1 Pierre 5:9) Pô ghô kuitè yimpè a létèné ménguengue mi mpè wè a nka’ Lefô. Émô’ méfœu’ é mouô: Silas, Timothée, Aquila pô Priscille, nzeung ngheu émô’ épouô, pô lé kuitè Ngangto Paul.​—Actes 18:​1-5.

Épô mémia é ghô kuitè wou jou a nka’ Lefô, é lèkô? Pô ghô yè wou ménteukné anè ntsi zi o ghô lôk mbing nzeum ngwoua épouô poup, nzi’nè wôp a Biible, mbô anè pa’ o ghô fa’ éshheu a lélôk mbheu nkeu Lefô tè a zi ngô yi gning a shoung-ô ajoumi mè ghôô ndôkô nza’a ashoung-né aji’ zi o nang éwou. Nna’a nkwangté mmô’ meung-mô yi a ghô kuitè wou, mbing ngueô njiô yi nguè a kuitè wou. Pè yi mémpia é ghô ghaa lè, éfhou poup njheuè apè, mbing ngué mmak, ngô mé lékak.​—Phil. 1:25.

JIÔ VIDÉO YI LÈ LÉKUITÉ ÉPOUÔ A LÉTCHI’ MÉZINGTO, A GHEU MPÈ GHÔ MÉ LÉKAK​—VEUNG-È NGUÈ JOOVAH A KUITÈ WOU​—ÉPÔ MÉMIA PIMPÈ, MBING NTSÔ’ MÉNZÈTÉ MOUÔ:

• Neeta a gheu lèkô té seumtè Jade a légheuô atchou’té?

• A mbông nguè mpè ghô nnô pô épô mémia, té ngueô ntsang mézi’né Biible mimpè mela’akô?

• Jade a lé jiô Abigay, pô yi ping ntswhi njou’né mela’akô?

• Épô mémia é ghô zi’nè wou akô anè afa’ Lefô?