Léwuè afa’ a nang té nông nteuè, a zèté a léfôk mbœu’ té ntshi Lefô Ndem pô ndeung-ndeung yi, a mvhô anè lénang tsimpè. A ghô éfœu’ mèt pa’a, ngô yi mpè ghô té paa, mpè veung-è léghôk méfa’ mi é vènè yimpè a léghôk a mbou Joovah mé nteu yimpè ntseum, kèè nzeung mveung ntsi afa’ zi é peukè yi lè. Téta’, mpè ghô ké nzhè té mi’té nguè Joovah a tôôté “épouô pi é pou nkouèt-nèt anè yi mé nteu wôp ntseum.” (2 Chron. 16:9) Ajouô pou ngô lé vènè Mô’ô yimpè a lékuitè yimpè mbing nguiè yimpè ajoumi a si nzètè. (Rom. 8:32) Mela’poup tè, mpè nông nkia azou anè afa’ zi mpè ghôk-é, mpè sang anè Joovah, mbing mbou ntshiè afa’ zi a mvhô anè lénang tsimpè.​—Ps. 16:8.

JIÔ VIDÉO YI A LÈ POU NGÔKÔ MBOU JOOVAH MÉ NTEU WOU NTSEUM, MBING NTSÔ’ MÉNZÈTÉ MOUÔ:

• Jason a lè aji’è afa’, ndœu’è yi a léveung nzeum mba’ mela’akô?

• Mpè ghô zing anè nteukné zi é nteu Colossiens 3:​23, é lèkô?

• Éfœu’ Jason é lé wè aziè aping-né anè Thomas?

• Mpè ghô zing anè nteukné zi é nteu Matthieu 6:​22, é lèkô?