A ghô yi o pheu nkeu Lefô mbing nzèè té nnou’ ntshi, kèè ngô si nzi’nè Biible lè; tè o si sang-a wou a léshi’ nnou’ ntshi? Gning a fèè nèt zi mbing nnou’ ntshi pa’a, ngwè léssoo tsi é tswhi ntsi pô Joovah. (Ps. 91:1) Joovah ghô zeung ntsia poup té nkui yimpè ntshi. (1 Pierre 3:21) O ghô ping ngaa té shi’ nnou’ ntshi?

Gheuô nteu Biible éfa’ métsoo mi é gheu, o zhè té mi’té nguè Ménjheuè-njiô Joovah mè nda’ tchôssi mbông. O nang-a tè émô’ ménzèté é shi’è athou wou, wou ngnwèt, o tsa’ mékèté ndôk fa’ pa’ Biible a tsô’ ménzèté mèt poup. (Rom. 12:2) Ghé koumné ajouô tépông anè atshuè jou, a ghô mela’mi o si fa’a légheuè ajoumi a pông-ô Joovah. (Prov. 27:11; Éph. 4:23, 24) Swingtè Joovah éfœu’ métseum nguè a kuitè wou. Zhè té mi’té nguè Joovah a lôkô ajwakné zi, é kuitè wou. (1 Pierre 5:10, 11) O pou ngheu métsoo mouô mèt, mbô o té la’ kaa nda’a-nzhè. Ajoumi a pông té ntôk a léghô ngang-afa’ Joovah a pou té wou!​—Ps. 16:11.

TCHIITÈ VIDÉO YI LÈ LÉKIA A LÉNOU’ NTSHI, MBING NTSÔ’ MÉNZÈTÉ MOUÔ:

• Émô’ épouô é lé zi’ émiè ménguengue té nkou’ô wôp a lénou’ ntshi?

• O ghô ghaa tè aveung-è nteu jou, a fang té ntshounè wou a léfèè nèt jou a mbou Joovah mbing nnou’ ntsi?

• Akô lé tshouné émô’ épouô a légheuè ajoumi a lénông nzètè té ndôk shi’ nnou’ ntshi?

• Joovah a tsôktè apou épouô pi é kia a léghôk a mbou yi, é lèkô?

• Léfèè nèt nguiè mbou Joovah mbing nnou’ ntshi, a si ndôkô ndeuè nguè akô?