Mèrèti si ngô azou té ntseukné a mbou Joovah; a ping mbou ntsaa nguè gning mbang-a pô ngwi yi é pou nkouèt ngô ta’ éfœu’ métseum. (Mat. 19:5, 6) A nnô méghang-afa’ Joovah a nteu ngông ntseum, épouô té nzaané é ghô éwou pi é wè lénang mbông a nteu mèrèti wôp. Tè, mmô’ mèrèti yi a té alô’, a té éwou. Méntsang é pou ngô lé tshou té ghô assi, téta’, mpè té pôngtè léwuè atshui épouô ngông pi é kwang nguè léfakné, kèè lésiatè akèté alaanguia, a ghô mmak méntsang mi é nteu atseung-è nguia lè. Mékritèn pi é mèrè, é ghô ping nkaptè alaanguia zôp é lèkô?

Mpè jiô métsoo mèntaa mi é ghô kwa’ nkuité:

1. Lèè ntsui ntsi nkông-né zi mè jiô a tsetsèrè gning mbang-a pô ngwi yi, a mbou ndoo wou nda’, kèè ngwi wou lè; mbing mbaa wou lélôk métsoo mi é ghô neung mékwangté aghaa athou wou, ngangté. É si ngô métsoo mi é ghô gheu tè atchouang zi a nnô pè a pouèt.​—Mat. 5:28; 2 Pierre 2:14.

2. Gheuè tè léssoo tsè Joovah é ku’né nteueté mbing éfa’ méshheu a lélôk nku’né ngheuè lékông yi a nteu alaanguia jou.​—Ps. 97:10.

3. Ku’nè nkoumné atshuè jou, ndôk fa’a léfœu’nè Yésso, mbing ngô éfœu’ métseum, ndôkô apông-ô nteu ngheu épô métsoo a mbou gning yi pè yi é mèrè, émi é gheu a ghô mé lékak, é ping zhè léghè o kwa’ nkông-ô yi.​—Col. 3:8-10, 12-14.

4. Wou’tè gning yi pè yi mèrè, mbing shoung-né pô yi éfœu’ métseum.​—Col. 4:6.

5. Lôk nkông-né pô apông-ô nteu té ngheuè anou méngwi pô ndoo, pô gning yi pè yi mèrè.​—1 Cor. 7:3, 4; 10:24.

Mékritèn pi é mèrè pô wou’tè alaanguia zôp pa’a, ndôkô ngou’tè Joovah Ndem, a Gning yi a lé tshiè alaanguia.

TCHIITÈ VIDÉO YI LÈ MPÈ PÔNGTÈ “LÉNGNING ÉFŒU’ ZI MPÈ SI NKŒUETÈ”—MPÈ KŒUETÉ PA’ A SI NZÈTÈ NGUÈ MPÈ KŒUETÉ POUP, MBING NTSÔ’ MÉNZÈTÉ MOUÔ:

• A zi ngô yi mèrèti a ghô zii mbông-ô, mbô émiè ménguengue é ghô nang té ntouô assi?

• Ménteukné Biible é ghô kuité épouô pi é kwang nguè pô té si njou’ô mbông anè alaanguia zôp-ô, é lèkô?

• Joovah a lé tshi émiè mémbeu a nteu alaanguia?

• Épouô pi é mèrè, pô nông nkông-ô léjou’ô mbông-ô a nteu alaanguia zôp, pô gheu lèkô?