Émiè ménou é tshiè athou wou élé’é tseum? Tè o ta’ efô atseung-è nguia, mbing ngwè ménou tè é zaané mi o tông? Tè lé toung-nè atseung-è nguia jou a lèè ntshiè anè athouô jou nda’é? Tè o ngwèsso, méssoo pou é ping ngô aji’è assikou nguenè wou? Kèè o si njou’ô tépông mela’ aghôô kèè lézwing lè? A ghô poup, o zhè léghè o té wou ngnwèt-è. Épô mémia té nzaané é zeung ngwè môp ménguengue, émi mmô’ éfœu’ mbou ntchou’té, éshi’è athou pôp a ta’ légheuô. Mpè si nké nzhè léghè, nkwa pia, Joovah a fhô a nteu ménguengue mouô mèt, mbou fôkô yimpè.Méngou’ ntsa’ lésa’ Yésso—Ntang-a zi Ndem pô Yésso é yè yimpè—2 Cor. 4:16-18.

Ajoumi a ghô ké nguiè yimpè éteue a lélôk ngning ndôk nzu’té éfœu’ mèt, a si ngô lékimté nguè Joovah a jou’ô yimpè, nguè a si njiô yimpè a léngning-è mvhô ménguengue, énông-ô njiô pa’ mpè wuè temtesèt a mbou yi poup, mbing nông nda’nè yi léshi’ nguiè yimpè méntang-a tè é zaané. (Jér. 29:11, 12) Yésso yi ngnwèt, a zeung ntswhi ntsa’ ménou mi é tchiitè yimpè. Afœu’ zi mpè si ngôkô afa’ zi a lé tseuknè mbou pimpè, ndè’ mpè leukné pa’ a lé la’nè yimpè nguè: “Meung-è shi’ é ghô pô pè.” (Mat. 28:20) Mpè ghô éfœu’ métseum, éfhœuté anè méntang-a mi méngou’ ntsa’ lésa’ Yésso é shi’ yè yimpè, mbô a seumté aveung-è nteu zimpè anè méla’né Ndem, é ping yè yimpè éteue a lélôk ngning ménguengue mi é mvhô pimpè tsetsông-ô.Méngou’ ntsa’ lésa’ Yésso—Ntang-a zi Ndem pô Yésso é yè yimpè—Rom. 8:19-21.

TCHIITÈ VIDÉO YI LÈ AFEUM A SI ÉSHI’È, POU NTSHI MÉNEUK MOU ANÈ YÉSSO!—MÉNTANG-A MI LEFÔ NDEM É LÔK SHI’É, MBING NTSÔ’ MÉNZÈTÉ MOUÔ:

• Épouô ménông é lé pii léssoo tsi pô lé wè pô Ndem, é lèkô? Aping-né a lé ping ngô akô?

• Joovah a shi’ anè mélé’é mi é mvhô shi’è, étang méghang-afa’ pi, épi wuè temtesèt a mbou yi, é lèkô?

• Ndem a ping shi’ gheu lèkô tè yè yimpè méntang-a mèt-é?

• O si mbou ntsaa a léjiô aziè ala’né Ndem a lépooté?