Mpè nang-a nteu ngông zi épouô éwou, njiô ajouô mbông pa’ azi tépông, mbing njiô ajouô tépông pa’ azi mbông la. (Is. 5:20) A pou mbeuk tè’ a léjiô pa’ émô’ épouô é fœu’tè ménou mi Ndem a pou mbaa, pa’ gning mbang-a a légheuè aghaa pô gning mbang-a kèè méngwi pô méngwi lè. A aji’è assikou, méssoo assikou é feuné méngwèsso pi é kông-ô Joovah, nguè pô gheu pa’ pôp la. O ghô pèté wônkheu pou a lékou’ô lélœuô’ ntsi taaté mèt, é lèkô?

Pè zi’né mémbeu Joovah a mbou wônkheu pè. (Lév. 18:3) Pô nông nkwhiè, pè fhô anè ngou’ ala’ zôp, ndôk ndaa-ndaa, nkuitè wôp a léjou’ô ajoumi Biible a leu anè ajouô gning mbang-a pô méngwi. (Deut. 6:7) Zèté nèt jou nguè: Tè meung-a si nzi’nè wônkheu pa ntsi mbông a lélôk nkouèt-nèt anè gning? Tè meung-a si nzi’nè wôp mela’poup tè a si ngô azou té ntseukné a léma’ nzhou mbông, mbing lé gheu tè épouô jiô méji’ nèt môp-ô? Tè wônkheu pa é zhè ajoumi pô gheu, éyi gning-è fa’a yi a létsui wôp pornographie, kèè fa’a létshounè wôp a légheuè amô’ ajoumi Joovah a paa?’ Léteue-njheu nteuk wônkheu, a ghô paa athouô zôp, mbing nzeung nkuitè wôp a lélœuô’ métaaté mi é tshiè mvhô pôp. (Prov. 27:12; Eccl. 7:12) Gning-è zoo njheu ndôk nteuk wônkheu pi pa’a, ndôkô ntsui nguè a si ngou’tè ntang-a jiô mèt, ézi Joovah a lé yè mbou yi.​—Ps. 127:3.

TCHIITÈ VIDÉO YI LÈ KOUÈT NGUIA ZI É FOU ZÔKÔ NANG-A—PAA ATHOU WÔNKHEU POU ANÈ “ANOU TÉPÔNG,” MBING NTSÔ’ MÉNZÈTÉ MOUÔ:

• A mmô’ éfœu’, mémô’ô é mi’té a lézi’né wônkheu pôp métsoo anè ajouô gning mbang-a pô méngwi, mela’akô?

• Mémô’ô é pôngtè a lélôk “ménteukné Joovah” té nkô’té wônkheu pôp, mela’akô?​—Éph. 6:4

• Atchou’té ngông swhi a ké fôk éwuè tsitsi éyi a ghô kuité mémô’ô a lézi’né wônkheu pôp, a lézhè ajouô gning mbang-a pô méngwi?​—w19.05-F 12, kèné

• A si nzètè nguè o teue-njheu éshoung métsoo mouô mèt a mbou wônkheu pou tè ménguengue é zè té shi’, mela’akô?