Joovah a lè éfœu’ mvhô, ntchou’té épouô ala’ Israël mé oda; a zeung ngô anè aya’a énông-ô ntchou’tè méghang-afa’ pi poup, anè ntsi zi pô kou’ô wôp léghôkô afa’ zi a tseuknè mbou pôp. Méfiliale, mécirconscription, métchou’té, pô ménnô lélôk mbheu nkeu Lefô, é nteu ngông ntseum, mbou nông-ô ngôkô ndôkô ngheuè tè afa’ Lefô a gheuô mé mvhô. Mpè pheu nkeu Lefô a mbou épouô métseum, tè mbô a mbou épouô pi pô shoung-nè ashoung-né ala’ zi mpè té si njou’ô.​—Rév. 14:6, 7.

Tè o lé neung-è alé’é, nkwangté a lézi’né ashoung-né ala’ ndè’è ndôk nkuitè ngning a lézhè anouneu? O zi té wè njheu a lélôk nzi’nè ashoung-né ala’ ndè’è, mbô o ghô lôkô JW Language, nzi’né épô métsoo mi é ghô kuitè wou a lépheu nkeu Lefô a mbou gning yi a si shoung-nè ashoung-né ala’ ndè’è. O lôkô JW Language ngôk a nka’ Lefô, mbô o ghô wuè jou lékak pa’ mékritèn mvhô ngou’ nkhœu é lé wuè zôp poup. Pô lé pou ngô mé lékak afœu’ zi pô lé kuité épouô pi fhô méla’ ndè’è, a léjou’ “mépông métsoo Ndem,” awuè-wuè anè ashoung-né ala’ zi.​—Actes 2:7-11.

TCHIITÈ VIDÉO YI LÈ LÈÈ NTCHIÈ ÉSSOO JOOVAH—LÔKÔ ASHOUNG-NÉ ALA’ GNING, MBHEU NKEU A MBOU YI, MBING NTSÔ’ MÉNZÈTÉ MOUÔ:

• O ghô lôkô JW Language ngôk éfœu’è akô?

• Mè ghô lôkô JW Language ngheuè akô?

• Épouô é shoung-né émiè méshoung-né ala’ aji’ zi o nang éwou?

• Gning a tsui léghè nkeu Lefô é pông-ô yi, mbing nông shoung-nè ala’ ndè’è, mbô o ghô ghaa?​—od-F 100-101 § 39-41