Gning yi a si nzi’nè Biible a nông nkông-ô yi a létchi’è éssoo Joovah, mbô a pôngtè yi a lékang méssoo mbông. (Ps. 15:1, 4) Mépông méssoo é kuitè yi a léwuè atshuè mbông.​—Prov. 13:20; lff azi’né 48.

O nông nkuitè épouô pi pô si nzi’nè Biible a lékœue léssoo tépông, o zhè wou a létshiè aji’ pôp. A ghô nna’ nteu a mbou pôp a léza’a léwoua méssoo pi pô lè ngwuè a nteu ngông. Mela’poup tè, ghô anè mélé’é mi pè a pôp é kaa pooté nzi’nè Biible, ntsui wôp nkông-né. A ghô ghô a lélôkô téléphone ntii nkeu a mbou pôp, ntông-ô wôp, kèè a lé zeung ngueô ngwoua wôp lè. Pô nông nku’nè nkwhiè anè éshheu ajwakné, ngô yi o ghô lôkô wôp ngueô ngwoua émô’ épô mémia. Nzhè léghè pô fhou poup, é jiô léghè apè zi pô si njheuè, a fang ntôkô ajoumi pô pii. (Marc 10:29, 30) O ping nzeung ngô jou mé lékak a léjiô atseung-è nguia Joovah a léku’né fang.

JIÔ VIDÉO YI LÈ KUITÉ ÉPOUÔ PI O SI NZI’NÈ WÔP A BIIBLE A LÉKŒUE MÉSSOO TÉPÔNG, MBING NTSÔ’ MÉNZÈTÉ MOUÔ:

• Méssoo tépông é pô awô?​—1 Cor. 15:33

• Jade a lè athou yi énông-ô nkwang-a nguè métchou’té a lélôk ngangté émi mékritèn, é pa’ la?

• Neeta a lé ping nkuitè Jade a léwa’ méssoo tépông, é lèkô?