GHÔKÔ AFA’ LEFÔ NEUNG NTEU | KU’NÈ LÉKAK WOU ANÈ LÉPHEU NKEU LEFÔ
Kuité épouô pi o si nzi’nè wôp a Biible a léshi’ métchou’té
Léshi’ métchou’té a si ngô azou té ntseukné anè léwou’tè Joovah. (Ps. 22:22) Épouô é tchou’té ngou’tè Joovah pa’a, ngô mé lékak, Joovah a ping ntsôktè apou zôp. (Ps. 65:4) Épouô pi é zè nzi’nè Biible mbing nzii wôp a léshi’ métchou’té, é ghakné nkwhi anè éshheu ajwkané.
O ghô gheu lèkô té nkuité épouô pi o si nzi’nè wôp a Biible a léshi’ métchou’té? Tông-ô wôp éfœu’ métseum nguè pô shi’ métchou’té. Tsui wôp vidéo yi lè Akô tôkô a nguia atchou’té Ménjheuè-njiô Joovah? Shoung-ô wôp apè zi gning a jheu a léshi’ métchou’té. (lff azi’né 10) O ghô shoung-ô wôp amô’ ajoumi o ké zi’né anè amô’ atchou’té zi a ké zè ntôkô, kèè amô’ ajoumi mè shi’ tè jiô a nguia atchou’té lè. Yè akèté zi mè shi’ zi’né a mbou pôp. Gheuè ajoumi o kou’ éwou ndôk nkuitè wôp. A ghô mmô’ a nông nzètè nguè o lôkô moto kèè mètoua wou lè, ntsu’è wôp. Nkwa ajoumi o ghô gheu ndôk nkuité épouô pi o si nzi’nè wôp a Biible a léshi’ métchou’té a té ndem-ndem-è.—1 Cor. 14:24, 25.
JIÔ VIDÉO YI LÈ KUITÉ ÉPOUÔ PI O SI NZI’NÈ WÔP A BIIBLE A LÉSHI’ MÉTCHOU’TÉ, MBING NTSÔ’ MÉNZÈTÉ MOUÔ:
-
Neeta a lé zapa anè akô té ntông-ô Jade nguè a shi’è atchou’té?
-
Mpè mé lékak éfœu’ zi gning yi mpè zi’nè yi a Biible a shi’è atchou’té mela’akô?
-
“Ndem a kwa’ ngô a nnô pè”
Jade a lé shi’è atchou’té mvhô légheuô, njou’ ngô é lèkô?
