Méfœu’ lélôk mbheu nkeu Lefô, é lé zii a létoo anè mvhô apap Akèté atchou’té Ntsi lénang kritèn pô afa’ Lefô, anè sang 1 anè ngou’ 2018. Gning-è ghô lôk ngôkô mbông-ô, é lèkô?

Afœu’ zi mè yè yimpè afa’ ngang-assikou anè atchou’té ngap ala’: A si nzèté nguè mpè lôk nzèté mbô léleung Biible, ngheu nzèté zi mè shi’ tè tsô’, émi pou fhô anè éfœu’ lélôk mbheu nkeu zi mè ghiité, té ndôk ngôk. Téta’, a té si ndôkô ndeuè nguè mpè lèè ngheuè pa’ vidéo lélôk mbheu nkeu a tsui poup-ô, pa’ éfœu’ zi mè feung-è vidéo mèt athou-thou la. Mpè ghô na’ nkoumnè aji’ zi mè pheu nkeu Lefô éwou a nteu afa’ zi mè ntseukné a mbou pimpè, kèè nkoumné ntsi lélôk nzii lè, mbô ntsi lélôk éfhœuté, nzeung ngheu émô’ métsoo poup. Mpè ghô zeung nguiè ta’ akèté zi a touô nteu Atou’ô nzi’nè, tè zi ngô yi mè kaa nzèté nguè mè gheu poup-ô.

Afœu’ zi mpè si mbheuè nkeu Lefô: Mè lé zii légheu méfœu’ lélôk mbheu nkeu, ndôk fa’a lékuitè yimpè a nka’ Lefô. Gning-è tsui léghè nkeu yi o pheu, é pông-ô yi, té nông fa’a lélôk ashoung-né ngueô mé mvhô, mbô o ghô lôk mékwangté mi o jiô anè éfœu’ lélôk mbing nzeum ngwoua, ndôk ngueô mé mvhô. O ghô na’ nkoumné épô métsoo éwou, kèè mbou nkoumné ntseum lè, éyi o kông. Zèté nèt jou nguè, tè mmô’ léleung Biible tsi mè ké lôk mbheu nkeu Lefô anè méssang mi é ké tôk-é, é ghô tswhi mpfeung nteu épouô a lépfou ala’ yi meung nang éwou? Tè amô’ anou a ké tôkô assi, mbing mbou nông-ô shoung-ô akwangté épouô a lépfou ala’ yi meung nang éwou? Mè ghô lôk méfœu’ lélôk mbheu nkeu, ngôk anè méntsi tè zaané, téta’, mpè ké mbôngtè lé pou ngheuè akœuè, ndôk fa’a nguè épouô té nzaané é jou’ nkeu mbông.”​—1Cor. 9:22, 23.