Nkeu yi é nteu Biible é pou ntsou’nè anè Lefô Ndem. Yésso a lè a ndoo éssi atsetsa’ pa’a, ajoumi a lé nông-ô nzi’nè a pou ntsou’nè anè Lefô mèt.​—Luc 8:1.

É si ngô méji’ mi mè kwa’ nguemtè Ndem éwou. Mpeukè fhou éwou té ngheuè atangté anè afa’ lépheu mbông nkeu Lefô Ndem. (Matthieu 24:14) Mè tswhi ntsi a lélôk mbôô ménguia atchou’té, mela’mi mè kông nguè é lè nkou’né-kou’né. Métchou’té té nzaa é ghô pootè ta’ nguia atchou’té, aziè lè a ping shi’ anè ézi njheu. Mpeukè lè anè méngou’ mi é ké zè ntôkô la, mbôô ménguia atchou’té swhi tè é tôk ntsaʼ légheum (mè lôkô mbôô mèntaa a nteu ngông anè alé’é ala’), mela’mi épouô é si nku’nè nkouô a nnô peuk. Mpeukè ghaa té mbôô poup-é?​—Matthieu 19:26.

Mpeukè lôk nkap zi épouô é lôk lékông wôp nguia, té mbôô ménguia atchou’té. Mpeukè too nkap zi mè yè ndôk ntôôtè afa’ Lefô a Béthel, mè ping éfhou éwou ndôk nkap mèt ngnyètté émô’ ménguia atchou’té, nzeung ndôk nkouèt émô’ émi swhi.

Épouô pi é zhè a lépôô ménguia, mbô pi é pou té zhè a lépôô, é pou ndôk lékông wôp té shi’ mbôô ménguia atchou’té, mbing té zu’té nguè mè piè wôp-ô. Mpeukè lé tchou’té ménnô épô mémia pi é pôô ménguia atchou’té a nteu méla’ té nzaané. Ménnô mouô mèt mbô épouô pi é lôk lékông wôp ntôôtè afa’, é gheuô a nteu métchou’té a nteu ta’ akap ala’, mbô méji’ mi é tè a nguia sia, nkuité épô mémia a lékouèt ménguia atchou’té môp. Anè émô’ méla’, mè tseuknè a mbou Ménjheuè-njiô pi é wuè azhènou anè afa’ lépôô ménguia, nguè pô tsang afa’ léngnyètté pô lépôô ménguia atchou’té swhi a nteu ta’ apak ala’. Tè mbô pa’ émô’ épô mémia pi é wuè azhènou anè afa’ mèt é kông té ngueô ntôôtè afa’ a éji’ tseum la, épô mémia pi é nang a nteu akap ala’ mèt mè ghôkô apak lœuè afa’. Ajwakné ndaané-laané Joovah pô léghôk mé ta’ nteu, mè pou ngheu tè afa’ a gheuô mé mvhô.​—Psaume 127:1; Colossiens 3:23.

• Mpeukè pôô ménguia atchou’té mela’akô?

• Mpeukè ping ngaa té nkouèt ménguia atchou’té a nteu ngông ntseum?