A lè anè mvhô ngou’ nkhœu, meung-è gha’ nnô “méghangto pô ménfènè pi é lè a Jérusalem” mè ghô nnô wô tshiè athouô mvhô. Pô lè nkia métsoo mi é tseukné mbing nông ntchiitè nkwa mékritèn nzô’-zô’ éfœu’ mèt. (Actes 15:2) Pa’ pô lé nông-ô ntsa’a Biible mbing neung-è nguè ajwakné Ndem mè tsang-a wôp la, aziè mèt a lé kuitè wôp a lékia azou mbing ngô ta’ ntchou anè azou mèt. (Actes 15:25) Nnô wô tshiè athouô mvhô pi é assi anè aya’a é zeung ngheuè zôp poup ndeung-ndeung.

Ndem a lôkô wôp té ngheu lékông Yi. Mékritèn nzô’-zô’ pi é tchou’té ngô Nnô wô tshiè athouô mvhô, é kông-ô wôp a létông-ô akèté Ndem mbing ngwuè azhènou anè létêné ménou mi é tchiitè atchou’té mbô émi éshheu ajwakné. A nkwa méngap ala’, pô tchou’té ntsa’ ajoumi a si nzaka a mbou Ménjheuè-njiô pi é aji’ tseum a nteu ngông. Pa’ a lè poup a mvhô ngou’ nkhœu la, pô tsia anè mékèté mbô ménfènè pi é woua métchou’té nguiè ménteukné mi é tsou’nè anè Biible. Éshheu wouô mèt é ping nkuité méghang-afa’ Ndem a léghô ta’, mbing ngwuè a ta’ akwangté anè afa’ Lefô. (Actes 16:4, 5) Nnô wô tshiè athouô mvhô é pèté, ntchoungté étsoo léjheu ajwakné, mbing nguiè ngaaté anè afa’ lépheu nkeu Lefô, nzeung ntsô’ épô mémia pômbang-a pi é ghôk émô’ méfa’ mi mè tseuknè mbou pôp.

Ndem mè lôkô ajwakné zi ntsang-a wôp. Nnô wô tshiè athouô mvhô é veung nguè Atsyapouô Joovah Ndem ngheuè Yésso yi a efô atchou’té é tsang-a wôp. (1 Corinthiens 11:3; Éphésiens 5:23) Nnô wouô mèt é té kwang nguè pô si ngô pa’ méfô a nnô méghang-afa’ Ndem-è. Pô émô’ mékritèn nzô’-zô’ “é ku’né nzing anè mékhou môô njinjheu [Yésso] té tswhiè aji’.” (Révélation 14:4) Nnô wô tshiè athouô mvhô é pou siakné mbing ngô mé lékak anè mépriya mi mpè gheu anè lézeung tsôp.

• A lè anè mvhô ngou’ nkhœu, pô wô é ghô nnô wô tshiè athouô mvhô?

• Nnô wô tshiè athouô mvhô é anè aya’a mveung nguè Ndem a tsang-a wôp é lèkô?