A lé lèè nzèè meung-è gha’ éfœu’ tè Yésso a kwheu, a wuè amô’ ashoung-né pô mézingto pi lekoua—a Pierre, Jacques, Jean ngheuè André. Yésso a lé ghiitè wôp aying-né zi a shi’ tsui anè ménzôknzeum élé’é ala’ nguè a shi’, té mbing nguiè nzèté jiô zi é tswhi ntseukné: “Awô a si ngô nkwa té sèt nzeum mbing nguikté, é yi mô’ô afa’ yi a ké tseukné méghang-afa’ a mbou yi, nguè a yè wôp étsoo léjheu tsôp anè njheu mbông?” (Matthieu 24:3, 45; Marc 13:3, 4) Yésso yi a si ngô “mô’ô afa’” a lé nông-ô nda’nè a mbou mézingto pi nguè, a kang épouô pi é shi’ yè wôp étsoo léjheu ajwakné éfœu’ nzôkô ngông jiô. Awô shi’ ghô nkwa wouô mèt-é?

É si ngô a meung-è gha’ nnô mézingto Yésso pi é nzô’-zô’. Gning a léghô “nzô’-zô’” a si ndôkô ndeuè nguè, ajwakné Ndem a nkang-a yi. “Nkwa” mèt a si ngô Nnô wô tshiè athouô mvhô Ménjheuè-njiô Joovah. A yè étsoo léjheu ajwakné afœu’ zi a si nzètè a mbou méghang-afa’ Joovah. Mpè pou ntsia anè yi nda’, té ngwè “étsimpè étsoo léjheu afœu’ zi a si nzètè.”​—Luc 12:42.

A tsang, mbing ntoung-né nguia Ndem. (1 Timothée 3:15) Yésso a lé tseuknè a mia mia afa’ a mbou nkwa wouô mèt, a létsang-a akœuè-kœuè zi a si ntchiitè atchou’té Joovah a ndoo éssi atsetsa’—pa’ létoung-né métsitsi atchou’té, ntsang-a afa’ lépheu nkeu Lefô; mbèté mézi’né mi mpè wè a ménguia atchou’té pimpè. Poup tè, “nkwa té sèt nzeum mbing nguikté,” a fôk étsoo léjheu ajwakné pa’ mékèté mi mpè lôk mbheu nkeu Lefô, ngheu méthouô ashoung-né mi mè yè a nguia atchou’té mbô anè mémia métchou’té mimpè. A gheu poup ndôk nguia yimpè ajoumi a si nzaka afœu’ zi a si nzètè.

Nkwa wouô mèt a wuè temtesèt anè anouneu zi a nteu Biible, mbô anè afa’ a lépheu mbông nkeu Lefô zi mè lé tseuknè a mbou yi; mbing nguikté anè létsang pô létoung-né métsitsi Kristo a ndoo éssi atsetsa’. (Actes 10:42) Joovah a neung mbouèné anè afa’ zi mbing ngheu tè étsoo léjheu anè éshheu ajwakné é ku’né nzaa.​—Isaïe 60:22; 65:13.

• Yésso a lékang-a awô nguè a yè étsoo léjheu ajwakné a mbou mézingto pi?

• Mè ghô leu nguè nkwa wouô mèt a yikté mbing té sèt nzeumè mela’akô?