Tchhinèt mbèté nèt jou. Zi’nè ajoumi o ghô shoung-ô, té nda’ nzhè pa’ o ghô lôk ménteukné Biible nkuitè gning a lé la’ ngué mak, mveung nguè a si ngô anouneu. Tra a lékim mémia méleung anè ashoung-nè jou, té zôkô shoung-nè tè’. Pou ntshi nteu wou anè ajoumi a ghô kuité épouô pi o shoung-nè a mbou pôp. Gheuè apriya ndôk ndôô ajwakné ndaané-laané.

Shoung-né anè ntsi zi é ghô tshouné épouô a léveung. Ntôkô wou lé lèè mbou shoung-ô pa’ o njiô azou a ghô ntii-tii poup a nteu amô’ akèté; o lôk méshoung-né mi é fhô a nteu wou, ndôk shoung-ô anou mèt pa’ o ghô shoung-nè poup. Shoung-nè anè ntsi zi a tsui nguè, o si nzhè kwa’ ajoumi o shoung-ô.

Tsui nguè o si shoung-ô ajoumi a ndeung-ndeung mbing nông fa’a nguè épouô é veung. Shoung-né pa’ épouô métseum é jou’. A ghô yi mè ghô ngué shoung-nè ala’ pè énông ntchiitè épouô, o zeung ngheuè ajou poup.