AZI’NÉ 8
Lépè méfœu’ ndôk nzi’né épouô
Matthieu 13:34, 35
KIMTÉ: Pè méfœu’ mi épouô ghô ghakné njou’, é mi ghô shoung-ô akwangté zôp ndôk nkuitè wôp, a léjou’ métsoo mi é tswhi ntseukné anè ashoung-nè jou.
O GHÔ GHEU POUP LÈKÔ:
-
Pè méfœu mi épouô ghô ghakné njou’. Pa’ Yésso la, lôk épô méfœu’ nkè’té mémia métsoo, nzeung ndôk métsoo mi é zang-né, nkè’té mi é teue a léjou’. Ndè’ o ku’né émô’ métsoo ndè’è mi é ghô na’ mvèné épouô a léjou’ éfœu’ mèt mbông-ô. Gheuè tè éfœu’ zi o pè, é pou nzing ndeung-ndeung anè ashoung-né zi o si nkè’tè, ntôk a lépêté ménou mi é ghô vèné épouô a léjou’ô ashoung-né mèt mbông-ô.
-
Tshiè akwangtè jou anè épouô. Pè éfœu’ éfhô anè ajoumi pô ghô ngheuè, mbô métsoo mi é pông-ô wôp. Méfœu’ mi o piè, é té pôngté a lépeukè wôp, kèè nzeung nguenè wôp lè.
-
Ndè’ o fhô anè athou ashoung-né zi o si nkè’tè ntoo. Pè méfœu’ ndôk nkè’té mémia méthou azi’né, ntôk a lélôk nkè’té mézizi métsoo. Gheuè tè épouô é lé nang-a ndèè nkimtè éfœu’ zi o pè nda’a; gheuè tè pô fhô anè éfœu’ mèt nzeung nkimtè ajoumi o nông nzi’nè wôp.