“Pè tchi’ ménzi’nè.” (Héb. 5:12) Lèè na’ nkwang-a jou nguè: Joovah yi a si ngô a mia Nzi’nè té amô’ a nteu ngông ntseum, a si ntseuknè a mbou pimpè nguè mpè zi’né émô’ épouô a lézhè Yi! Éwuè éshheu lè yi mpè wè a lélôk nzi’né épouô anouneu anè Joovah tè a zi ngô a nteu atseung-è nguia mbô a nguia atchou’té, kèè afœu’ zi mpè si ntsui nkeu Lefô lè, é si ngô lewou’ té mô’ mbing ngô afa’ ntseukné tè’. Mpè ghô ghaa té ngôk afa’ mèt mbông-ô?

Amô’ ashoung-né zi ngangto Paul a lé tii a mbou Timothée mè tsô’é, nguè: “Ku’né neung nteu anè létông azou a mvhô ala’, anè léseumté épouô mbô anè lézi’né épouô azou.” Paul a zeung ndeu nguè: “O gheuè poup mbô o tsuèt, épouô pi é jou’ô wou, é zeung ntsuèt azôp.” (1 Tim. 4:13, 16). Nkeu yi o si ntsui, é yè épouô létsuèt. Poup tè, awô lè a pôngté a lézhè a létông azou nzeung nzi’né épouô azou mbông-ô. Mè ké fôkô akèté jiô ndôk fa’a lékuitè wou a légheu poup. Mpè na’ njiô pa’ akèté jiô mèt a poup.

Joovah si ngô a “Mia Nzi’nè.” (Is. 30:20) Akèté jiô zi nông nkuitè wou a létông azou mbông-ô, mbô a lézhè a lézi’né épouô azou, ndè’ o ké neung-è alé’é ndeukné nguè, nkeu yi mpè si ntsui é fhô a mbou Joovah, Yi mè ping nông nzôptè épouô neung-è a nguia yi. (Jean 6:44). Ndôkô nguè, nang-a swingtè Yi nguè a yè wou ajwakné zi. Lôkô Ashoung-nè Ndem ngôk éfœu’ métseum. Ndè’ o neung-è alé’é éshoung-ô akwangté épouô ntshiè anè wou; pou shoung-ô akwangté épouô ntshiè anè Joovah. Pou ngheu tè épouô é zi’né a lékông-ô yi mé nteu wôp ntseum.

Mè tseukné afa’ té amô’ a mbou wou, tè mbô amô’ afa’ a laa nzi ntseukné poup-ô, a ghô a lézi’né anouneu a mbou épouô ménông. Mpeuk si nzhè té mi’té nguè, o sang-a anè “éteue yi Ndem a yaa,” mbô o kou’ éwou.​—1 Pierre. 4:11.

Mpè mè nnô anè afa’ jiô mèt,

Nnô wô tshiè athouô mvhô Ménjheuè-njiô Joovah