12. Wè méshoung-né “mi é ghô seumté épouô”
1 LÉSHOUNG-NÉ É SI NGÔ NTANG-A ZI É FHÔ MBOU NDEM
“Éziè ntang-a lè zi é teue-nzwing, nzeung ngô té alô’, é fhô a lepwhou.”—Jacques 1:17
Mpè ghô tsui nguè mpè wou’té ntang-a jiô mèt é lèkô?
-
Méshoung-né mimpè é ghô yè alô’ a mbou gning. Poup tè, a zèté nguè mpè fhœutè mbông-ô té shoung-ô anou, nzeung fhœuté anè ntsi zi mpè lôk shoung poup.
-
Proverbes 16:24; Isaïe 57:15; 1 Thessaloniciens 5:11
Lèè shoung-né pa’ Joovah a lé ghé pôô yimpè, nông nkông-ô nguè mpè shoung-né poup. Lôk méshoung-né mou mbèt épouô, éseumtè wôp, nzi’né mbing suité nteu wôp, nzeung ndôk nkuitè wôp.
-
Proverbes 12:18; 15:23; Matthieu 7:12
Mô’ ntsi ashoung-né anè njheu tépông, é ghô yè alô’ a mbou gning, mbing tshouné a léthou ntchou.
2 SHOUNG-NÈ ANÈ NTSI ZI É PÔNG-Ô NDEM
“Pè ghô éfœu’ métseum ngwè méshoung-né mi é leueté.”—Colossiens 4:6
Méshoung-né mimpè é ghô ghaa anè atseung-è nguia zimpè, mbô anè méssoo pimpè?
-
Proverbes 31:28; Révélation 2:1-3
Awuè a kông nguè mè tsui nkông-né pô awou’té a mbou yi, nzeung ntswhi nkông nguè atseung-è nguia zi a gheu poup a mbou yi.
-
Proverbes 6:16-19; 26:20; Colossiens 3:8, 21; 1 Thessaloniciens 4:11
Léwè méshoung-né mi tchiitè aghaa, ngheu lézôôté épouô pô léthou mélô’ môp éfœu’ métseum, a ghô yè mia alô’ a mbou gning. Lékouô gning anou zi a té si nzhè, a ghô lôôté lézeung tsi, mbing neung-è ataka-taka a nnô épouô.
-
Proverbes 15:1, 2; Philippiens 2:3, 4; Jacques 1:19
Lôk méshoung-né mou ntsui nguè o tchiité émô’ épouô té ntôk athouô mbeu jou. Tchhinèt njou’ô wôp mbông-ô.
3 MPÈ PÔNGTÉ A LÉLÔK NKÔNG-NÉ TÉ NGUIÈ NTEUKNÉ
“Jou’ nteukné, mbing mveung nguè mè pœu’tè wou, nzhè nguè o shi’ yik-é.”—Proverbes 19:20
Mpè ghô yè nteukné mbông é lèkô?
-
Psaume 34:18; Matthieu 10:29-31; 2 Timothée 3:16
Mpè nông nguiè nteukné a mbou gning, a zèté nguè é tsou’nè anè Biible; mpè ping mbôngté a lélôk apông-ô nteu té nguiè.
-
Proverbes 12:25; 1 Thessaloniciens 5:14; Jacques 3:2-4
Lôk méshoung-né mou éseumté mbing ntôôté émô’ épouô.