13. Tè mélina ntseum é pông-ô Ndem?
1 AJOUÔ TSEUM ZI MPÈ GHEU A PÔNGTÉ A LÉWOU’TÈ JOOVAH
“Pè nông mpfèè azou, kèè nou lè, kèè ngheuè mbô akôlè, pè gheu ndôk ngou’tè Ndem.”—1 Corinthiens 10:31
Mpè ghô ghaa té kang mélina mi é pông-ô Ndem?
-
Proverbes 15:15; Ecclésiaste 3:12, 13; Actes 20:35; 2 Corinthiens 9:7
Joovah a si nkông-ô nguè mpè nang mé lékak. A kông nguè mpè pông-nou, mbing ngapté azou éfœu’ métseum, tè mè lé lèè nzu’tè éfœu’ mélina nda’a.
-
A té éfœu’ métseum nzang-né a lézhè ajoumi mè pôngtè légheuè, mela’mi Sèta a fa’ méshheu a lélôk mbôptè yimpè tè mpè lé zeung nzhè ajoumi a mbông, mbô zi a tépông.
-
Fa’ a lézhè pa’ mélina ngông mouô é lé zii poup, mbing njiô kè é pông-ô Joovah lè.
2 LÉLŒUÈ MÉLINA NGÔNG MOUÔ É FHÔ A MBOU MÉPÈGAIN
“Pè shi’ zhè anouneu, anouneu mèt a ping nkui wè ntshi.”—Jean 8:32
Émô’ mélina ngông mouô é lé zii lèkô?
-
2 Corinthiens 6:14-18; 2 Jean 6, 7
Méghangto é lé nang té nkwheu, métépông mézi’nè é lôk atshuè mépègain pô mélina môp nkouô a nnô mékritèn. Pô lé ping nguiè mézeung a mbou mélina mèt, émi tshouné épôuô a lékwang nguè é fhô a mbou mékritèn. Épouô té nzaa é ghô nzèè aya’a njheuè mélina mouô mèt pa’ Paska pô Halloween.
-
Anè méji’ té nzaané a nteu ngông, épouô é jheuè akrissimi anè méssang 12, anè alé’é 25. Téta’, a ké té alé’é zi mè lé zhiè Yésso.
-
Mékritèn éfœu’ mvhô, é lè té njheuè mélina ndôk nkimtè alé’é zi mè lé zhiè wôp-ô. Mélina a lélôk nkimté alé’é zi mè zhiè gning émi Biible a kim, é lèè ngô émi épouô pi é lè té ngou’tè Joovah, mbing mbou nda’ nzôkô tépông.
3 LÔK LÉGHI TÉ KANG MÉLINA MI O JHEU
“Pè ghô éfœu’ métseum éfa’ a lézhè ajoumi a pông-ô Ndi.”—Éphésiens 5:10
Mékritèn é pôngté a lékœue éziè ntsi mélina? O nông ngô nkang alina zi o jheu, o fhœuté anè ménzèté mouô:
-
Isaïe 52:11; 1 Corinthiens 4:6; 2 Corinthiens 6:14-18; Révélation 18:4
Tè alina jiô a fhô a nteu métchôssi tépông kèè a mbou mésitépông?
-
Jérémie 17:5-7; Actes 10:25, 26; 1 Jean 5:21
Tè alina jiô a yè awou’té a mbou gning-nông, a mbou ta’ nnô, kèè a mbou ta’ ala’-é?
-
Tè alina jiô a tsui nguè amô’ ala’ a tseukné té ntôk amô’-é, kèè nguè émô’ épouô é tôk pimô’ mela’mi pô méleukè kèè pô mésshè épouô?
-
Psaume 97:10; 1 Corinthiens 2:12; Éphésiens 2:2; 1 Pierre 4:3
Tè alina jiô mèt a tshouné épouô a léwuè “atshuè épouô ngông pouô” pa’ lénou melou’ té mbia, kèè a légheu aghaa?
-
Tè gning a ghô kwaaté anè éshheu ajwakné, éyi a jiô gha a léjheu alina jiô mèt-é?
-
Romains 12:1, 2; Colossiens 4:6; 1 Pierre 3:15
A ping ngô yi meung-è kang a gha léghô lé jheu alina mèt-è, mbô meung ngô kou’ô gha lékè’té shoung émô’ épouô lèkô?