“Meung nkœue épouô pi é lœuô ajoumi pô ziè.”​—Psaume 26:4

Léghô ndeung-ndeung a nteu atseung-è nguia, a si ngô azou té ntseukné, mela’akô?

• Proverbes 6:16-19

  Léghô ndeung-ndeung a nteu atseung-è nguia, a gheu mè nang té pôk amô’ azou. A zi ngô yi amô’ éfœu’ na’ nteue, mbô a zèté nguè épouô ta’ atseung-è nguia é shoung-ô anouneu a nnô pôp.

• Proverbes 22:6; Éphésiens 6:4

  Wônkheu é jiô mémô’ô pôp léshoung-ô anouneu, mbô a zang-né a mbou pôp a légheu zôp poup.

“Joovah a paa ngang nguèté, mbing ndôk épouô pi é zing ndeung-ndeung, ngheu méssoo nteu pi.”​—Proverbes 3:32

Léghô ndeung-ndeung pô épô mémia a nguia atchou’té a si ngô azou ntseukné tè’ mela’akô?

• Proverbes 10:19; Colossiens 4:6

  Mpè shoung-ô anouneu éfœu’ métseum, téta’, nké ndôk méshoung-né mi é leueté mbô apông-ô nteu té shoung.

• Lévitique 5:1; Hébreux 13:17; Jacques 5:14, 15

  Mpè shoung-ô anouneu a mbou ménfènè, mbô pô kuitè yimpè.

• Jérémie 32:9-12; Éphésiens 6:5-8

  Mpè nông shoung-ô anou nkap pô épô mémia, mpè ghô ndeung-ndeung pô pôp, ntènè anou mèt mbông-ô, mbing nzing pa’ mpè a pôp nkia poup.

“Léwè a mbông lézeung, a pông ntôk léwè akaakou tè zaa. Awou’té zi mè yè a mbou gning, a ping nteue-nzwing ntôk nkap pô gôô.”​—Proverbes 22:1

Mpè zeung mbôngtè a léghô ndeung-ndeung anè émiè méshheu?

• Psaume 37:21; Matthieu 22:17-21; Romains 13:1-7; Éphésiens 4:25, 28

  A zèté nguè mpè ghô ndeung-ndeung pô mô’ô afa’ yimpè, mbô afœu’ zi mpè shoung anou nkap, afœu’ zi mpè si ntra pipa aji’è assikou, afœu’ zi mpè piè taksi, kèè afœu’ zi mpè shan mépipa ngômna lè.

Léghô ndeung-ndeung a pông ntôk léwè akaakou mela’akô?

• Psaume 15:1, 2; Proverbes 11:1; 1 Timothée 6:9, 10

  Épouô zhè yimpè pa’ gning yi a ndeung-ndeung, a ghô mbông tè’. Léghô ndeung-ndeung a gheu mpè wè nghi-nteu zi é laané. Joovah a pou ngô mé lékak a léjiô mbœu’ zi mpè si fôkô a lélôk ngô épouô pi é ndeung-ndeung.