“Pè nông nèt zè assi a mvhô Ndem, ngning a mvhô Sèta, a ping fhô a lézeung pè nkœue.”​—Jacques 4:7

Mpè ghaa té nzhè nguè mpè ghô ngning a mvhô Sèta té njheu?

• Révélation 7:9, 14

  Joovah a lé tshi méndhœuè anè ajoumi Sèta a ghô gheu a mbou pimpè. A lé la’né nguè ta’ mia nnô épouô ménông a shi’ tsuèt, tè kouô a nteu ngông swhi.

• 2 Chroniques 15:2

  Mpè pou ntshouté nèt mbaatè Joovah, mbô Sèta a ghô lé kou’ a létseungté léssoo tsimpè pô Joovah.

• 1 Corinthiens 10:13; Hébreux 11:4-40

  Joovah a la’né nguè a kuitè yimpè a léwuè temtesèt a mbou yi, ndeung-ndeung pa’ a lé gheu poup a mbou méghang-afa’ pi, épi éfœu’ mvhô.

“Mpè té si mboung-nè ajoumi Sèta a nzeum pimpè éfa’a.”​—2 Corinthiens 2:11

Sèta a lœuô’ méghang-afa’ Joovah mela’akô? A ping ndœu’ émiè métaa ndôk fa’ a léghôô épouô ménông?

• Jean 15:19; Révélation 12:12, 17

  Sèta mè tsang épouô ngông pouô, mbing ké té kou’ a légheu poup anè méghang-afa’ Joovah. Poup tè, a pou fa’ éshheu éfœu’ métseum nguè pô gwheu anè létaa tsi.

• Genèse 3:1; Galates 5:19-21; Éphésiens 6:12

  Sèta a éfœu’ métseum éfa’ a lézhè méshheu mi mpè pouèt éwou anè nkô’ô ajwakné, nzhè nguè a tsia poup é kou’ anè pimpè.

• Lévitique 19:26; Isaïe 1:13, 15; Marc 5:25, 26

  Fhœutè mbông té nkang ntsi zi mè lôk pètè wou poup afœu’ zi o si ngôô; mela’mi, gning a ghô nông ngôô, mbou meuk té mveung nguè mè lôk a pawa yi a fhô mbou mésitépông mbètè yi.

• Deutéronome 18:10-12; Actes 19:19; Galates 6:7; Révélation 21:8

  Mésitépông é jiô nguè mpè si éfa’ a lézhè ntsi zi pô lôk ngôk poup, mbô pô ghô fhou poup, nguénè yimpè. Mpè ping nkouèt atchouang pô pôp, mpè lôkô nteum-è nzeum a mbou Joovah.

“Sèta . . . a si ngô ngang mélaa, nzeung ngô mô’ô mélaa.”​—Jean 8:44

Mpè ghô té paa, mbô mpè ghô gheu tè épouôé tchô’ô Sèta, é lèkô?

• Romains 1:11, 12; 2 Timothée 2:16

  Émô’ épouô é shoung métsoo mi é tshouné épimô’ a lékwang nguè Sèta pô mésitépông, é wè nza’ mia pawa. A ké ntchi’ yi mpè gheu pa’ pôp la, mpè wè méshoung-né mi é seumté épouô.

• Éphésiens 6:11

  Mpè teue-njheu nzhè métaa Sèta, mbô mpè ngning a mvhô yi, é ping nkouèt-nèt anè Joovah.