“Mpè ku’né nteueté anè éshheu ajwakné.”​—Hébreux 6:1

Léteueté anè éshheu ajwakné a lôkô ndeuè nguè akô?

• Romains 8:5; Hébreux 5:14

  A zèté a lézoo njheu mbô a léfôk mbœu’ té ntchi’è ta’ kritèn yi a teueté anè éshheu ajwakné. Kritèn yi a teueté anè éshheu ajwakné a pou ntra léjiô métsoo pa’ Joovah a jiô zi poup, mbing nkia métsoo mé léghi.

• Proverbes 27:11; Jacques 1:2, 3

  Jiô ménguengue pa’ éshheu a lélôk ngheu tè aveung-è nteu jou a teueté, mbô a lélôk ntsui a mbou Joovah nguè o kông-ô yi.

• Proverbes 3:5, 6; Jacques 1:5

  O nông ngô nkia ajoumi o gheu, o fhœuté anè ajoumi Joovah a si nkông-ô nguè o gheu, mbing swingtè yi nguè a kuitè wou.

• 2 Corinthiens 13:5

  Té neung alé’é nza’ lézi’né métsoo anè Joovah, mbô a légheu tè léssoo tchou pô yi é ku’né nteueté.

“Mpè tô’ . . . méla’né Ndem mi é shi’ yè yimpè létsuèt, pa’ akang zi a athou shouzia la.”​—1 Thessaloniciens 5:8

Lésang anè méla’né Ndem a ghô kaptè yimpè lèkô?

• Hébreux 12:2

  Lésang anè méla’né Ndem a seumtè yimpè tè’. Fhœutè anè pa’ lésang anè méla’né Ndem, a lé kuitè Yésso a léngning-è mvhô ménguengue poup.

• Philippiens 4:6, 7

  O nang-a té njiô nguè aveung-è nteu jou anè méla’né Ndem a si nkaa, o gheuè apriya a mbou yi. Mékwangté tépông mbô lémi’té é ghô gheu o kaa. Joovah a ghô ké nguiè wou ngaaté pô mbouèné zi é fhô ataa nteu.

• Malachie 3:10; Romains 8:21

  Ghô éfœu’ métseum éfhœuté anè méla’né Ndem. Ngông swhi é shi’ pou pông tè tôk ajouô tseum zi o ghô kwang.

• Psaume 37:4; Jude 21

  Joovah a si nkông-ô nguè o zi’nè lézhè yi. A si nzeung-è nkông-ô létchi’è éssoo nteu wou. Pou fôk mbœu’ jou ntseum ndôk njou’ ntchou yi, mbing ntshouté nèt mbaatè yi élé’é tseum.