“Nteu gning é ghètè yi té ntôk ajouô tseum mbing nkou’ a létshounè yi a légheu anou tépông. Awô ghô zhè pa’ é poup-é?”​—Jérémie 17:9

Joovah a lé yè yimpè akô zi a ghô kuité a lépœu’té nghi-nteu zimpè?

• Romains 9:1; 1 Corinthiens 4:4

  Pa’ mpè méghang méfaa la, nghi-nteu zimpè ghô tshounè yimpè a légheu ajoumi a tépông. Mela’poup tè, a zèté nguè mpè neung ajwakné ndaané-laané mè tsang nghi-nteu zimpè.

• Hébreux 5:14; 1 Pierre 3:16

  Mpè ghô zi’né ntsi zi Joovah a kwang azou poup a nteu Biible, mbing fhou poup nzhè ajoumi mbông mbô zi a tépông. Légheu poup, a kuitè lépœu’té nghi-nteu zimpè.

“Ndè’ gning a lèè ngheu ajoumi a ghô kuitè yi, yi ngnwèt nda’, a gheu ajoumi a ghô zeung nkuité émô’ épouô.”​—1 Corinthiens 10:23, 24

Mpè ghô ghaa té ntsui nguè mpè wou’té ntsi zi émô’ épouô é lôk njiô azou poup-é?

• Romains 15:1, 3

  Nghi-nteu zimpè é tswhi anè zi émô’ épouô. Nghi-nteu jou é ghô tshounè wou a légheu amo’ azou, ézi mô’ gning é ping lé poup veung.

• 1 Corinthiens 10:31-33

  Ngangto Paul a lè nzông-ô athou épô mémia pi té ntôk azi. Ntsi zi pô lè njou’ô ngô poup, é lé tseuknè mbou yi té ntôk métsoo mi é lè mbông-ô yi.

• Romains 14:10, 19

  Joovah a lè té yè yimpè nghi-nteu nguè mpè lôk sa’ émô’ épouô, a lè nguia nguè awuè-wuè a lôk sa’ athouô zi yi ngnwèt. Poup tè, mpè té pôngtè léngning nguè ntsi zi mpè lôk njiô azou poup mè pou mbông ntôk zi émô’ épouô.

“Mpè gheu nguè nteu yimpè é nang mé mbouèné a mvhô Ndem . . . mela’mi Ndem a pou fang ntôk nteu yimpè mbing nzhè ajouô tseum.”—1 Jean 3:19, 20

A zi ngô yi nghi-nteu zimpè é si ngnhaka yimpè anè méfaa mi mpè lé meuk té ngwa’, mbô mpè té pôngté a lékaa mela’akô?

• Psaume 86:5; 1 Corinthiens 6:11

  Lé zeung meuk anè méfaa mi é lé nda’ ntôk tè mbô mpè wa’ atshuè tépông, a ghô yè yimpè alô’ mbing ngheu mpè kwang nguè mpè té azou kou’. Tè, mpè ghô lé koumné métsoo mi é lé nda’ ntôkô. Joovah a lé tchoussi yimpè, mbing mbou mbikté méfaa mi mpè lé gheu. A mvhô yi, mpè ghô ndaané-laané.

• Galates 6:2; 1 Pierre 2:16

  “Lépeu Yésso Kristo” é tsou’nè anè ménteukné Biible, é té tsou’nè anè mémbeu. Biible a zi nông té nguiè lépeu anè amô’ anou, mbô ta’ Kritèn té pôngté a lé fhou poup éfa’ méshheu mi a lôk gheu anou tépông-ô.