5. Ajoumi mpè ghô gheu tè mpè lé atshuè ngông jiô wè
1 MÉKRITÈN É TÔÔTÉ LEFÔ NDEM NDA’
“Lefô tsa, é té tsi ngông jiô.”—Jean 18:36
Mpè tsui nguè mpè té apak anè ménou ngông mouô wè, mbing ntôôté Lefô Ndem lèkô?
-
Isaïe 2:2-4; Jean 6:15; 1 Pierre 3:15
Mpè té ntchou lœuô’, mbing té apolitik gheu.
-
Mpè té gheumté métsoo mi é ghiitè ala’ zi mpè nang éwou kèè ala’ ndè’è lè. Mè leuè a, nkimè métsoo pa’ létsa’té ndrapo la.
-
Lébat a laa ndzi ntchoungtè amô’ anou, a pou ngheu lébat a ku’né nzaa zaa. Poup tè, mpè si nzu’tè nguè Joovah a shi’ mbou ntchoungté ménou ngông mouô tè nda’.
-
Jean 13:34, 35; 1 Jean 3:10-12
Méghang-afa’ Joovah é zi mbou fhô akô aji’ lè a nteu ngông, mbô pô métseum é pou ngô épô mémia. Mela’poup tè, mpè pou ngô lé neung alé’é ndœuô’ ntchou a nnô pimpè.
2 MÉKRITÈN “É POU TÉ APAKA NTEU NGÔNG JIÔ WÈ”
“Pô pou té apak a nteu ngông jiô wè, ndeung-ndeung pa’ meung ngnwèt za, meung té apak a nteu ngông jiô wè.”—Jean 17:16
Mékritèn é pôngtè lékœue atshuè épouô ngông Sèta mela’akô?
-
Mè leu nguè “ngông” a, ndôkô ndeuè épouô pi é té Ndem zhè; Sèta mè ping nông ntsang-a wôp.
-
Mpè si nkông-ô nguè Joovah a jiô yimpè pa’ méssoo pi. Mpè lôk atshuè zimpè, ngheu ntsi zi mpè lôk shoung-né, mbô méngheu ménou mimpè, é fœu’nè Joovah pô Yésso.
3 MÉKRITÈN É KŒUE ATSHUÈ ÉPOUÔ NGÔNG POUÔ
“Pou nkapté nteu wou té ntôk ajouô tseum, mela’mi é ghô tshounè wou a légheu métsoo mbông mi é shi’ gheu o tsuèt.”—Proverbes 4:23
Mpè ghô ngning tè mpè lé wuè atshuè épouô ngông Sèta lèkô?
-
Sèta a ngang akégheuô’, ngwuè akô’tè nèt, mbing nzeung ngô a ngang asseukè athou. A tshouné épouô a lékwang nguè pô zi té ntchou Ndem jou’, mbô pô ké jou’ô mbông-ô.
-
Mpè lôk atshuè zimpè mbô méshoung-né mimpè, ntsui nguè mpè té apak a nteu ngông ghaa wè. Mpè zeung ngheu poup tè mbô anè épô métsoo mi è lèè ntchiitè yimpè nda’.
-
1 Corinthiens 2:12; 1 Jean 4:4
Mpè nông nkông-ô a lékœue atshui épouô ngông pouô, mpè tshouté nèt mbaatè Joovah, mbing ngô éfœu’ métseum, ngwè mékwangté mi athou pimpè.
4 NKAP É GHÔ LÉ KWA’ NKAPTÈ YIMPÈ, MBING LÉ YÈ YIMPÈ A KWA’ MBOUÈNÉ
“Gning a zi mbou ngwuè akaakou é lèkôlè, mbô métsoo mèt mè té si nguiè yi lénang-a.”—Luc 12:15
Akô ghô kuitè yimpè a léjiô akaakou pa’ Joovah a jiô zi poup-é?
-
Actes 20:35; 1 Timothée 6:9, 10
Sèta a si nkông-ô nguè mpè jiô nguè léprèrè lap pô akaakou mè ghô yè kwa’ lékak. Tè, Yésso a lé zi’nè yimpè nguè kwa’ lékak a fhô anè léssoo tsi mpè wè pô Joovah mbô anè léwuè azou, ngapté.
-
Matthieu 6:31, 32; Marc 12:30, 31; Luc 21:34-36
Mpè pou ntshi nteu yimpè anè afa’ Joovah, mbô mpè wè lénang mbông, é zhè a lélôk ajoumi mpè wè ntsi’té, é ping wè mbouèné zi é fhô a taa nteu.
