“Lénang ajouô tseum zi a wè mbapnèt,é nteu métshi.”​—Lévitique 17:11

Joovah a jiô métshi lèkô?

• Lévitique 17:10; Proverbes 13:16; Actes 15:20; Romains 12:2

  Amô’ anou ghô tshiè mvhô pimpè tè médokta é nông-ô fa’ a léneung métshi anè pimpè, kèè mbheuè yimpè émô’ méfhou mi mè fhô anè métshi éfôk lè. Épouô méndè’è mè té pôngtè lékang ntsi zi mè lôk pètè yimpè. Poup tè, anou pa’ mèt a zii nzèè té shi’, a zèté nguè mpè gheu apriya a mbou Joovah nguè a tsang-a yimpè, mbing ntsa’ mékèté mi é ghô kuitè yimpè anè wouô éshheu mèt.

• Genèse 9:4, 5, 9; Deutéronome 12:16; Actes 15:28, 29

  A nteu Biible, métshi é nông nghiitè lénang. Lépeu Ndem anè métshi é laa neung-è alé’é nkoumnè. Té fhô éfœu’ Noé, nkoo éfœu’ zi Ndem a lé yè lépeu a mbou ala’ Israël, ngueô ntshiè éfœu’ mékritèn, lépeu mèt é ghô mbou nzèè poup.

“Éza ntsi légheu ménou é fang ntôk émè, mékwangté ma é zeung fang, ntôk émè.”​—Isaïe 55:9

Émô’ méshheu mi mpè ghô lôk ntsui nguè lénang é teue-nzwing a mbou pimpè émiè?

• Exode 21:22, 23

  Lénang éwuè gning-nông lè, é teue-nzwing a mbou Joovah. Léfôk amôô a ping ngô ajouô tépông a mvhô Ndem mela’mi a méneuk yi a, môô yi mè zèè té zhi, a ghôô gning-nông.

• Psaume 103:8-14; Actes 3:19; Éphésiens 1:7

  A ghô yi méngwi a lè éfœu’ mvhô ngô ngôô, éfôk amôô ngwa’, mbing meuk té nzeung nkoumné atshuè tépông zi, mbô Joovah a tchoussi yi.

• Psaume 11:5; Ecclésiaste 11:9, 10

  Mpè té gheu ntsi sipôr zi é ghô yè yimpè alô’, kèè zi é ghô zi’nè yimpè lébat, ndôkô ntsui nguè lénang é teue-nzwing a mbou pimpè. Mpè wuè a métoua, kèè a moto lè, ngheu mbassikou, mbô a zèté nguè mpè toung-né anè ntsi zi é ghô lé gning alô’ yè, nzeung ngheu poup anè mbaa zimpè.

“Meung ndé jiô mbô méngwi mèt a lé nou métshi épouô pi é ndaané-laané té mbia.”​—Révélation 17:6

A méneuk Ndem, ngông Sèta é wuè deuk métshi mela’akô?

• Révélation 18:2, 4, 9, 24

  Épouô mémillion é lé kwheuté mela’ apolitik, akégheuô’ ngheuè tchôssi.

• Matthieu 24:14; Jean 17:16; Actes 20:26, 27

  Mékritèn é pou té apak a nteu ngông jiô wè, mbing té tôôté mô’ nnô yi gheu ntchou kèè nzwhuité épouô. Té ntchi’ poup, mpè pheu nkeu Lefô Ndem ndôk nkuité épouô a léshi’ ngwè létsuèt.