AZI’NÉ 02
Biible a la’né nguè ézôô é shi’ pông
Épouô té nzaané é wè ménguengue mi é gheu, pô meuk éfœu’ métseum mbing mbou njou’ tépông. Tè o lé neung-è alé’é njou’ ngô jou poup-é? A ghô mmô’, o ghô éwou énông njou’ô tépông mela’ aghôô, kèè mela’mi mmô’ gning yi o lè nkông-ô, a kwheu lè. Métsoo mouô mèt é ghô gheu tè o zèté nguè, ‘Tè lénang tsa é ghô neung-è alé’é mbông?’ Biible a tsô’ nzèté jiô mèt, anè ntsi zi é seumtè wou.
1. Biible a kuité a léghé nang, énông nzu’tè nguè ézôô é shi’ pông, é lèkô?
Biible a té lèè nkè’té shoung mela’poup tè ménguengue é pou nzaané a nteu ngông nda’a, a zeung nguiè nkeu mbông nguè nkwa pia, ménguengue mouô mèt, é pou mii. Méla’né Biible é ghô “kuitè wou a léghé nang, énông nzu’tè nguè ézôô é shi’ pông.” (Tông-ô Jérémie 29:11, 12.) Méla’né Biible é kuitè yimpè a lésseuk ménguengue mimpè, mbing nzii tsetsông-ô, a léghô mé lékak. É zeung nkuitè yimpè a léghé nang, énông nzhè léghè ézôô é shi’ pông.
2. Biible a leu nguè ézôô é shi’ ghô é lèkô?
Biible a leu nguè a shi’ é ghô ézôô, “legwheu a lé zèt, gning a lé zeung legwheu ndaa, gning a lé zeung nga’tè-è, gning a lé zeung njou’ tépông-ô.” (Tông-ô Révélation 21:4.) Ménguengue mi é anè aya’a, ngheu mpè pou njou’ tépông pa’ époung, ngheuè apa’té, mbô aghôô, ngheu legwheu, é té shi’ zeung é ghô assi. Biible a la’né nguè, épouô ménông é shi’ nang-a ngông té neung-è alé’é nzeung nkwheu, a ndoo éssi atsetsa’ zi é shi’ tchi’è Paradissi.
3. O ghô ghaa té nzhè nguè méla’né Biible é shi’ pooté?
Épouô ménông é la’né métsoo tè é zaané, téta’, mè ghô lé zhè kèè é ghô shi’ mbooté lè. Méla’né Biible é ping nké té poup-ô: é shi’ pooté ntseum. Mpè nông nkông-ô lézhè té mi’té kèè méla’né mèt é shi’ pooté lè, mpè “tchhi-nèt ntsa’a Biible mbông-ô”. (Actes 17:11) O nông-ô zi’nè Biible, é fhou poup, é zhè kèè o ghô veung-è jou ajoumi a si nda’nè anè ézôô lè.
TCHHI-NÈT NTSA’A MBÔNG-Ô
Nna’a ntsa’ émô’ métsoo mi Biible a leu anè pa’ ézôô é shi’ ghô poup. Jiô pa’ méla’né Biible é si seumtè épouô anè aya’a poup.
4. Biible a la’né nguè mpè ghô nang-a ngông té nguengue, té ping neung-è alé’é nzeung nkwheu
Nna’a njiô méla’né mouô a nteu kèné yi a atseung-è apap, émi é fhô a nteu Biible. Aziè ala’né anè méla’né mouô mèt a tswhi mbông-ô wou? Mela’akô?
Tông méleung Biible mi méla’né mouô mèt é fhô a nteu éwou, mbing ntsô’ ménzèté mouô:
-
Tè o si njiô jou nguè méleung Biible mouô mèt, é kuité a léghé nang, énông nzu’tè nguè ézôô é shi’ pông? Tè o kwang nguè épouô atseung-è nguia jou, mbô méssoo pou, é ghô jheuè zôp apè a lézhè métsoo mi méleung Biible mouô mèt é si nzi’nè?
Nna’a nkwang nguè o nang-a nteu ngông zi
|
MÉNGUENGUE MOUÔ É TÉ ÉWOU: |
AWUÈ-WUÈ A PING NGWÈ MÉNTANG-A MOUÔ: |
|---|---|
|
|
|
|
|
|
|
|
|
|
5. Méla’né Biible é ghô koumné lénang gning
Ménguengue mi é pou ngô a nteu ngông anè aya’a, é gheu tè épouô é pou nkaa, kèè mbou nzang-a alông lè. Émô’ épouô é fôk mbœu’ ndôk fa’ méshheu a lélôk ngheu tè ngông jiô é pông. Jiô pa’ ala’né Biible, azi leu nguè ézôô é shi’ pông, a kuité épouô anè aya’a poup. Jiô VIDÉO wouô, mbing ntsô’ ménzèté mouô:
-
O jiô a nteu vidéo nguè akô a lé nông nguenè Rafika?
-
A zi ngô yi métsoo mi é lé nông nguenè yi é lè té koumné, mbô Biible a lé ké nkuitè yi é lèkô?
Méla’né Biible mi é tchiité mélé’é mi é si shi’è, é ghô kuitè yimpè a lésseuk ménguengue, mbing lé kaa anè éshheu ajwaknè-è. Tông-ô Proverbes 17:22 pô Romains 12:12, mbing ntsô’ ménzèté mouô:
-
Tè o kwang nguè méla’né Biible mi é si ntchiitè mélé’é mi é si shi’è, é ghô koumnè azou anè lénang tchou? O tsô’ô poup mela’akô?
ÉMÔ’ ÉPOUÔ É LEU NGUÈ: “Méla’né Biible é pou mbông té ngô yi mè ghô lé kwang nguè é shi’ pootè.”
-
A mbông nguè wou ngnwèt, o fa’a lézhè kèè méla’né Biible é si ngô anouneu lè, mela’akô?
KIMTÉ
Biible a wè méla’né tè é zaané, émi tchiité mélé’é mi é si shi’è. Méla’né mouô mèt é kuitè yimpè a lésseuk ménguengue mimpè tsetsông-ô, mbing ngué nang, énông nzhè léghè ézôô é shi’ pông.
O ghô tsô’ é lèkô?
-
A si nzètè nguè épouô zhè nguè ézôô é shi’ pông, mela’akô?
-
Biible a la’nè akô, azi tchiité mélé’é mi é si shi’è?
-
Lézhè léghè ézôô é shi’ pông, a ghô kuitè wou anè aya’a, é lèkô?
KU’NÈ FA’A LÉZHÈ
Jiô pa’ léghé nang énông nzhè nguè ézôô é shi’ pông, a ghô kuitè wou poup.
“Tè lézhè nguè ézôô é shi’ pông, a ghô kuitè wou?” (Réveillez-vous ! 22 Avril 2004)
Jiô pa’ léghé nang énông nzhè nguè ézôô é shi’ pông, a kuité épouô pi aghôô si nguenè wôp té fhou méngou’ poup.
“Tè Biible a ghô kuitè gning yi a wè amô’ aghôô zi a ghô lé mii?” (Akèté zi a nteu internèt)
Afœu’ zi o nông jiô vidéo wouô, nna’a nkwang njiô pa’ pè a épouô atseung-è nguia jou é si njheuè apè anè lénang mbông tsi Biible a lé la’né poup.
Jiô pa’ lénang mmô’ gning yi a lé nông fôkô mbœu’ ndôkô fa’a légheu tè ngông jiô é pông, é lé koumné poup afœu’ zi a lé zi’nè ajoumi Biible a la’né anè mélé’é mi é si shi’è.
“Meung té zè ndeuè nguè meung-a koumné ngông jiô” (La Tour de Garde 1er Juillet 2013)
