Orin Sólómọ́nì 1:1-17
1 Orin+ tí ó dùn jù lọ, tí í ṣe ti Sólómọ́nì:+
2 “Kí ó fi ìfẹnukonu ẹnu rẹ̀ kò mí lẹ́nu,+ nítorí àwọn ìfìfẹ́hàn rẹ dára ju wáìnì.+
3 Àwọn òróró+ rẹ dára ní ti ìtasánsán. Orúkọ rẹ dà bí òróró tí a dà jáde.+ Ìdí nìyẹn tí àwọn omidan pàápàá fi nífẹ̀ẹ́ rẹ.
4 Fà mí ká lọ;+ jẹ́ kí a sáré. Ọba ti mú mi wá sínú àwọn yàrá rẹ̀ inú lọ́hùn-ún!+ Jẹ́ kí a kún fún ìdùnnú, kí a sì yọ̀ nínú rẹ. Jẹ́ kí a mẹ́nu kan àwọn ìfìfẹ́hàn rẹ ju wáìnì.+ Lọ́nà yíyẹ, wọ́n nífẹ̀ẹ́ rẹ.+
5 “Ọ̀dọ́mọbìnrin tí ó jẹ́ adúláwọ̀ ni mí, ṣùgbọ́n mo dára rèǹtè-rente, ẹ̀yin ọmọbìnrin Jerúsálẹ́mù,+ bí àwọn àgọ́ Kídárì,+ síbẹ̀ bí àwọn aṣọ+ àgọ́ Sólómọ́nì.
6 Ẹ má wò mí nítorí pé mo jẹ́ aláwọ̀ dúdú, nítorí pé oòrùn ti tajú kán wò mí. Àwọn ọmọ ìyá mi bínú sí mi; wọ́n yàn mí ṣe olùtọ́jú àwọn ọgbà àjàrà,+ bí ó tilẹ̀ jẹ́ pé ọgbà àjàrà mi, èyí tí ó jẹ́ tèmi, ni èmi kò tọ́jú.
7 “Sọ fún mi, ìwọ ẹni tí ọkàn mi nífẹ̀ẹ́,+ ibi tí o ti ń ṣe olùṣọ́ àgùntàn,+ ibi tí o ti ń mú kí agbo ẹran dùbúlẹ̀ ní ọjọ́kanrí. Èé ṣe tí mo fi ní láti dà bí obìnrin tí ọ̀fọ̀ ti bò mọ́lẹ̀ láàárín àwọn agbo ẹran ọ̀sìn ti àwọn alájọṣe rẹ?”
8 “Bí ìwọ kò bá mọ̀ fúnra rẹ, ìwọ arẹwà jù lọ nínú àwọn obìnrin,+ jáde lọ fúnra rẹ tọ ojú ẹsẹ̀ agbo ẹran lọ, kí o sì kó àwọn ọmọ ewúrẹ́ rẹ jẹ koríko lẹ́gbẹ̀ẹ́ àgọ́ àwọn olùṣọ́ àgùntàn.”
9 “Èmi fi ọ́ wé abo ẹṣin tèmi nínú àwọn kẹ̀kẹ́ ẹṣin Fáráò,+ ìwọ ọ̀dọ́mọbìnrin alábàákẹ́gbẹ́ mi.+
10 Ẹ̀rẹ̀kẹ́ rẹ dára rèǹtè-rente láàárín àwọn ìdì irun, ọrùn rẹ dára rèǹtè-rente nínú okùn ìlẹ̀kẹ̀.+
11 Àwa yóò ṣe àwọn ohun ọ̀ṣọ́ rìbìtì-rìbìtì ti wúrà fún ọ,+ pa pọ̀ pẹ̀lú àwọn òníní tí a fi fàdákà ṣe.”
12 “Níwọ̀n ìgbà tí ọba wà nídìí tábìlì rẹ̀ tí ó rí rìbìtì, sípíkénádì+ tèmi ń tú ìtasánsán rẹ̀ jáde.+
13 Bí àpò òjíá+ ni olólùfẹ́ mi rí lójú mi; àárín ọmú+ mi ni yóò sùn mọ́jú.
14 Bí òṣùṣù làálì+ ni olólùfẹ́ mi rí lójú mi, láàárín àwọn ọgbà àjàrà Ẹ́ń-gédì.”+
15 “Wò ó! Ìwọ lẹ́wà, ọ̀dọ́mọbìnrin alábàákẹ́gbẹ́ mi.+ Wò ó! Ìwọ lẹ́wà. Ojú àdàbà ni ojú rẹ.”+
16 “Wò ó! Ìwọ lẹ́wà,+ olólùfẹ́ mi, ìwọ wuni pẹ̀lú. Àga ìnàyìn+ wa pẹ̀lú jẹ́ ti eléwé.
17 Àwọn ìtì igi ilé wa títóbi lọ́lá jẹ́ kédárì,+ àwọn igi ìrólé wa jẹ́ igi júnípà.
