Àìsáyà 24:1-23
24 Wò ó! Jèhófà máa sọ ilẹ̀ náà* di òfìfo, ó sì máa sọ ọ́ di ahoro.+
Ó ń dojú rẹ̀ dé,*+ ó sì ń tú àwọn tó ń gbé inú rẹ̀ ká.+
2 Bákan náà ló máa rí fún gbogbo èèyàn:
Àwọn èèyàn àti àlùfáà,Ìránṣẹ́kùnrin àti ọ̀gá rẹ̀ ọkùnrin,Ìránṣẹ́bìnrin àti ọ̀gá rẹ̀ obìnrin,Ẹni tó ń rà àti ẹni tó ń tà,Ẹni tó ń yáni ní nǹkan àti ẹni tó ń yá nǹkan,Ẹni tó ń yáni lówó àti ẹni tó ń yáwó.+
3 Wọ́n máa mú kí ilẹ̀ náà ṣófo pátápátá;Wọ́n máa kó gbogbo ẹrù rẹ̀,+Torí Jèhófà ti sọ ọ̀rọ̀ yìí.
4 Ilẹ̀ náà ń ṣọ̀fọ̀;*+ ó ń joro.
Ilẹ̀ tó ń méso jáde ò lọ́ràá mọ́; ó ti ń ṣá.
Àwọn gbajúmọ̀ ilẹ̀ náà ti rẹ̀ dà nù.
5 Àwọn tó ń gbé ilẹ̀ náà ti ba ibẹ̀ jẹ́,+Torí wọ́n ti rú òfin,+Wọ́n ti yí ìlànà pa dà,+Wọ́n sì da májẹ̀mú tó wà pẹ́ títí.*+
6 Ìdí nìyẹn tí ègún fi jẹ ilẹ̀ náà run,+Tí a sì dẹ́bi fún àwọn tó ń gbé ibẹ̀.
Ìdí nìyẹn tí àwọn tó ń gbé ilẹ̀ náà fi dín kù,Àwọn tó sì ṣẹ́ kù níbẹ̀ ò pọ̀ rárá.+
7 Wáìnì tuntun ń ṣọ̀fọ̀,* àjàrà rọ,+Gbogbo àwọn tí inú wọn sì ń dùn ń kẹ́dùn.+
8 Ayọ̀ ìlù tanboríìnì ti dáwọ́ dúró;Ariwo àwọn tó ń ṣe àríyá ti dópin;Ìró ayọ̀ háàpù ti dáwọ́ dúró.+
9 Wọ́n ń mu wáìnì láìsí orin,Ọtí sì ń korò lẹ́nu àwọn tó ń mu ún.
10 Ìlú tí wọ́n pa tì ti wó lulẹ̀;+Gbogbo ilé wà ní títì pa kí ẹnikẹ́ni má bàa wọlé.
11 Wọ́n ń kígbe ní àwọn ojú ọ̀nà torí wáìnì.
Gbogbo ìdùnnú ti pòórá;Ayọ̀ ilẹ̀ náà ti lọ.+
12 Wọ́n fi ìlú náà sílẹ̀ ní àwókù;Wọ́n ti wó ẹnubodè wómúwómú, ó ti di òkìtì àwókù.+
13 Bó ṣe máa rí ní ilẹ̀ náà nìyí, láàárín àwọn èèyàn náà:
Bí ìgbà tí wọ́n bá lu igi ólífì,+Bí ìgbà tí wọ́n pèéṣẹ́* nígbà tí ìkórè èso àjàrà dópin.+
14 Wọ́n máa gbóhùn sókè,Wọ́n máa kígbe ayọ̀.
Wọ́n máa kéde títóbi Jèhófà láti òkun.*+
15 Ìdí nìyẹn tí wọ́n fi máa yin Jèhófà lógo ní agbègbè ìmọ́lẹ̀;*+Ní àwọn erékùṣù òkun, wọ́n máa yin orúkọ Jèhófà, Ọlọ́run Ísírẹ́lì lógo.+
16 À ń gbọ́ àwọn orin láti ìkángun ayé pé:
“Ògo ni fún Olódodo!”*+
Àmọ́ mo sọ pé: “Mò ń kú lọ, mò ń kú lọ!
Ó mà ṣe fún mi o! Àwọn ọ̀dàlẹ̀ ti dalẹ̀;Ìwà ọ̀dàlẹ̀ wọn ni àwọn ọ̀dàlẹ̀ fi dalẹ̀.”+
17 Ìbẹ̀rù, kòtò àti pańpẹ́ ń dúró dè ọ́, ìwọ tó ń gbé ilẹ̀ náà.+
18 Ẹnikẹ́ni tó bá ń sá fún ìró ìbẹ̀rù á já sínú kòtò,Pańpẹ́ sì máa mú ẹnikẹ́ni tó bá ń jáde látinú kòtò.+
Torí àwọn ibú omi ọ̀run máa ṣí,Àwọn ìpìlẹ̀ ilẹ̀ sì máa mì tìtì.
19 Ilẹ̀ náà ti fọ́ sọ́tọ̀ọ̀tọ̀;A ti mi ilẹ̀ náà jìgìjìgì;Ilẹ̀ náà ń gbọ̀n rìrì.+
20 Ilẹ̀ náà ń ta gọ̀ọ́gọ̀ọ́ bí ẹni tó mutí yó,Ó sì ń fì síwá sẹ́yìn bí ahéré nínú afẹ́fẹ́.
Ẹ̀ṣẹ̀ rẹ̀ wà lórí rẹ̀, ó sì wúwo gan-an,+Ó máa ṣubú, débi pé kò ní dìde mọ́.
21 Ní ọjọ́ yẹn, Jèhófà máa yíjú sí àwọn ọmọ ogun ibi gíga lókèÀti sí àwọn ọba ayé lórí ilẹ̀.
22 A máa kó wọn jọBí àwọn ẹlẹ́wọ̀n tí wọ́n kó jọ sínú kòtò,A máa tì wọ́n pa mọ́ inú àjà ilẹ̀;Lẹ́yìn ọ̀pọ̀ ọjọ́, a máa rántí wọn.
23 Òṣùpá àrànmọ́jú máa tẹ́,Ojú sì máa ti oòrùn tó ń ràn,+Torí Jèhófà Ọlọ́run àwọn ọmọ ogun ti di Ọba+ ní Òkè Síónì+ àti ní Jerúsálẹ́mù,Ògo rẹ̀ ń tàn níwájú àwọn àgbààgbà àwọn èèyàn rẹ̀.*+
Àlàyé Ìsàlẹ̀ Ìwé
^ Tàbí “Ó ń yí ojú rẹ̀ po.”
^ Tàbí “ayé.”
^ Tàbí kó jẹ́, “gbẹ táútáú.”
^ Tàbí “májẹ̀mú àtijọ́.”
^ Tàbí kó jẹ́, “gbẹ táútáú.”
^ Ó túmọ̀ sí ṣíṣà lára irè oko tí wọ́n bá fi sílẹ̀.
^ Tàbí “ìwọ̀ oòrùn.”
^ Tàbí “ní ìlà oòrùn.”
^ Tàbí “Ẹ ṣe Olódodo lọ́ṣọ̀ọ́!”
^ Ní Héb., “níwájú àwọn àgbààgbà rẹ̀.”
