Àìsáyà 55:1-13
55 Ẹ wá, gbogbo ẹ̀yin tí òùngbẹ ń gbẹ,+ ẹ wá síbi omi!+
Ẹ̀yin tẹ́ ò ní owó, ẹ wá, ẹ rà, kí ẹ sì jẹ!
Àní, ẹ wá, ẹ ra wáìnì àti wàrà+ lọ́fẹ̀ẹ́, láìsan owó.+
2 Kí ló dé tí ẹ fi ń sanwó fún ohun tí kì í ṣe oúnjẹ,Kí ló sì dé tí ẹ fi ń lo ohun tí ẹ ṣiṣẹ́ fún* sórí ohun tí kì í tẹ́ni lọ́rùn?
Ẹ tẹ́tí sí mi dáadáa, kí ẹ sì jẹ ohun tó dáa,+Ohun tó dọ́ṣọ̀* sì máa mú inú yín dùn* gidigidi.+
3 Ẹ dẹ etí yín sílẹ̀, kí ẹ sì wá sọ́dọ̀ mi.+
Ẹ fetí sílẹ̀, ẹ* ó sì máa wà láàyè nìṣó,Ó sì dájú pé màá bá yín dá májẹ̀mú tó máa wà títí láé+Bí mo ṣe fi ìfẹ́ tí kì í yẹ̀, tó jẹ́ òótọ́,* hàn sí Dáfídì.+
4 Wò ó! Mo fi ṣe ẹlẹ́rìí+ fún àwọn orílẹ̀-èdè,Aṣáájú+ àti aláṣẹ+ àwọn orílẹ̀-èdè.
5 Wò ó! O máa pe orílẹ̀-èdè tí o kò mọ̀,Àwọn èèyàn orílẹ̀-èdè tí kò mọ̀ ọ́ sì máa sáré wá sọ́dọ̀ rẹ,Torí Jèhófà Ọlọ́run rẹ,+ Ẹni Mímọ́ Ísírẹ́lì,Torí pé ó máa ṣe ọ́ lógo.+
6 Ẹ wá Jèhófà nígbà tí ẹ lè rí i.+
Ẹ pè é nígbà tó wà nítòsí.+
7 Kí èèyàn burúkú fi ọ̀nà rẹ̀ sílẹ̀,+Kí ẹni ibi sì yí èrò rẹ̀ pa dà;Kó pa dà sọ́dọ̀ Jèhófà, ẹni tó máa ṣàánú rẹ̀,+Sọ́dọ̀ Ọlọ́run wa, torí ó máa dárí jini fàlàlà.*+
8 “Torí èrò mi yàtọ̀ sí èrò yín,+Ọ̀nà yín sì yàtọ̀ sí ọ̀nà mi,” ni Jèhófà wí.
9 “Torí bí ọ̀run ṣe ga ju ayé lọ,Bẹ́ẹ̀ ni ọ̀nà mi ga ju ọ̀nà yín,Èrò mi sì ga ju èrò yín.+
10 Torí bí òjò àti yìnyín ṣe ń rọ̀ láti ọ̀run gẹ́lẹ́,Tí kì í sì í pa dà síbẹ̀, àfi tó bá mú kí ilẹ̀ rin, tó jẹ́ kó méso jáde, kí nǹkan sì hù,Tó jẹ́ kí ẹni tó fúnrúgbìn ká irúgbìn, tí ẹni tó ń jẹun sì rí oúnjẹ,
11 Bẹ́ẹ̀ ni ọ̀rọ̀ mi tó ti ẹnu mi jáde máa rí.*+
Kò ní pa dà sọ́dọ̀ mi láìṣẹ,+Àmọ́ ó dájú pé ó máa ṣe ohunkóhun tí inú mi bá dùn sí,*+Ó sì dájú pé ohun tí mo rán an pé kó ṣe máa yọrí sí rere.
12 Ẹ máa fi ayọ̀ jáde lọ,+A sì máa mú yín pa dà ní àlàáfíà.+
Àwọn òkè ńlá àtàwọn òkè kéékèèké máa fi igbe ayọ̀ túra ká níwájú yín,+Gbogbo àwọn igi inú igbó sì máa pàtẹ́wọ́.+
13 Dípò àwọn igi ẹlẹ́gùn-ún, igi júnípà máa hù,+Dípò èsìsì tó ń jóni lára, igi mátílì máa hù.
Ó sì máa mú kí Jèhófà lókìkí,*+Àmì tó máa wà títí láé, tí kò ní pa run.”
Àlàyé Ìsàlẹ̀ Ìwé
^ Tàbí “owó tí ẹ ṣiṣẹ́ kára fún.”
^ Ní Héb., “Ọ̀rá.”
^ Tàbí “ọkàn yín yọ̀.”
^ Tàbí “tó ṣeé gbọ́kàn lé; tó ṣeé gbára lé.”
^ Tàbí “ọkàn yín.”
^ Ní Héb., “lọ́nà títóbi.”
^ Tàbí “tó bá jẹ́ ìfẹ́ mi.”
^ Tàbí “máa já sí.”
^ Tàbí “ṣe orúkọ fún Jèhófà.”
