Jóòbù 27:1-23
27 Jóòbù ń bá ọ̀rọ̀* rẹ̀ lọ, ó ní:
2 “Bó ṣe dájú pé Ọlọ́run wà láàyè, ẹni tó fi ìdájọ́ òdodo dù mí+Àti bí Olódùmarè ti wà, ẹni tó mú kí n banú jẹ́,*+
3 Tí èémí mi bá ṣì wà nínú mi,Tí ẹ̀mí látọ̀dọ̀ Ọlọ́run sì wà nínú ihò imú mi,+
4 Ètè mi ò ní sọ̀rọ̀ àìṣòdodo;Ahọ́n mi ò sì ní sọ* ọ̀rọ̀ ẹ̀tàn!
5 Kò ṣeé gbọ́ pé kí n pe ẹ̀yin ọkùnrin yìí ní olódodo!
Títí màá fi kú, mi ò ní fi ìwà títọ́ mi sílẹ̀!*+
6 Màá rọ̀ mọ́ òdodo mi, mi ò sì ní jẹ́ kó lọ;+Ọkàn mi ò ní dá mi lẹ́bi* tí mo bá ṣì wà láàyè.*
7 Kó rí fún ọ̀tá mi bí ẹni burúkú,Àwọn tó ń gbógun tì mí, bí aláìṣòdodo.
8 Torí ìrètí wo ni ẹni tí kò mọ Ọlọ́run* ní tó bá pa run,+Tí Ọlọ́run bá gba ẹ̀mí* rẹ̀?
9 Ṣé Ọlọ́run máa gbọ́ igbe rẹ̀,Tí wàhálà bá dé bá a?+
10 Àbí inú rẹ̀ á máa dùn nínú Olódùmarè?
Ṣé á máa ké pe Ọlọ́run nígbà gbogbo?
11 Màá kọ́ yín nípa agbára* Ọlọ́run;Mi ò ní fi nǹkan kan pa mọ́ nípa Olódùmarè.
12 Ẹ wò ó! Tó bá jẹ́ pé gbogbo yín ti rí ìran,Kí ló dé tí ọ̀rọ̀ yín kò nítumọ̀ rárá?
13 Èyí ni ìpín èèyàn burúkú látọ̀dọ̀ Ọlọ́run,+Ogún tí àwọn oníwà ìkà gbà látọ̀dọ̀ Olódùmarè.
14 Tí àwọn ọmọ rẹ̀ bá pọ̀, wọ́n á fi idà pa wọ́n,+Àwọn àtọmọdọ́mọ rẹ̀ ò sì ní ní oúnjẹ tó máa tó wọn.
15 Àjàkálẹ̀ àrùn ló máa sin àwọn tó bá gbẹ̀yìn rẹ̀,Àwọn opó wọn ò sì ní sunkún nítorí wọn.
16 Tó bá tiẹ̀ to fàdákà jọ pelemọ bí erùpẹ̀,Tó sì kó aṣọ olówó ńlá jọ bí amọ̀,
17 Bó tiẹ̀ kó o jọ,Olódodo ló máa wọ̀ ọ́,+Aláìṣẹ̀ sì máa pín fàdákà rẹ̀.
18 Ilé tó kọ́ kò lágbára, ó dà bí ilé òólá,*Bí àtíbàbà+ tí ẹ̀ṣọ́ ṣe.
19 Ó máa lọ́rọ̀ nígbà tó bá dùbúlẹ̀, àmọ́ kò ní kó nǹkan kan jọ;Nígbà tó bá la ojú rẹ̀, kò ní sí nǹkan kan níbẹ̀.
20 Ìbẹ̀rù bò ó bí àkúnya omi;Ìjì gbé e lọ ní òru.+
21 Atẹ́gùn ìlà oòrùn máa gbé e lọ, kò sì ní sí mọ́;Ó gbá a lọ kúrò ní àyè rẹ̀.+
22 Ó máa kọ lù ú, kò sì ní ṣàánú rẹ̀+Bó ṣe ń gbìyànjú gbogbo ọ̀nà láti sá lọ kúrò lọ́wọ́ agbára rẹ̀.+
23 Ó pàtẹ́wọ́ sí i,Ó sì súfèé+ sí i láti àyè rẹ̀.*
Àlàyé Ìsàlẹ̀ Ìwé
^ Ní Héb., “òwe.”
^ Tàbí “tó mú kí ọkàn mi gbọgbẹ́.”
^ Ní Héb., “ráhùn.”
^ Tàbí “Mi ò ní mú ìwà títọ́ mi kúrò lọ́dọ̀ mi; Mi ò ní jáwọ́ nínú ìwà títọ́ mi.”
^ Tàbí “kẹ́gàn mi.”
^ Tàbí “ní gbogbo ọjọ́ ayé mi.”
^ Tàbí “ọkàn.”
^ Tàbí “apẹ̀yìndà.”
^ Tàbí kó jẹ́, “nípasẹ̀ ọwọ́.”
^ Tàbí “kòkòrò.”
^ Tàbí kó jẹ́, “Wọ́n pàtẹ́wọ́ sí i, wọ́n sì súfèé sí i láti àyè wọn.”
