Jeremáyà 9:1-26
9 Ká ní orí mi jẹ́ omi,Tí ojú mi sì jẹ́ orísun omijé!+
Mi ò bá sunkún tọ̀sántòruNítorí àwọn èèyàn mi tí wọ́n pa.
2 Ká ní mo ní ibi tí àwọn arìnrìn-àjò lè dé sí ní aginjù!
Mi ò bá fi àwọn èèyàn mi sílẹ̀, kí n sì kúrò lọ́dọ̀ wọn,Nítorí alágbèrè ni gbogbo wọn,+Àwùjọ àwọn oníbékebèke.
3 Wọ́n tẹ ahọ́n wọn bí ọrun;Èké ṣíṣe ló gba ilẹ̀ náà kan, kì í ṣe òtítọ́.+
“Wọ́n ń tinú ibi bọ́ sínú ibi,Wọn ò sì kà mí sí,”+ ni Jèhófà wí.
4 “Kí kálukú yín ṣọ́ra lọ́dọ̀ ọmọnìkejì rẹ̀,Kódà, ẹ má ṣe gbẹ́kẹ̀ lé arákùnrin yín.
Nítorí gbogbo arákùnrin jẹ́ ọ̀dàlẹ̀,+Gbogbo aládùúgbò sì jẹ́ abanijẹ́.+
5 Kálukú ń rẹ́ ọmọnìkejì rẹ̀ jẹ,Kò sì sí ẹni tó ń sọ òtítọ́.
Wọ́n ti kọ́ ahọ́n wọn láti máa pa irọ́.+
Wọ́n ṣe ohun tí kò tọ́ títí ó fi rẹ̀ wọ́n.
6 Ò ń gbé láàárín ẹ̀tàn.
Ẹ̀tàn wọn ni kò jẹ́ kí wọ́n mọ̀ mí,” ni Jèhófà wí.
7 Torí náà, ohun tí Jèhófà Ọlọ́run àwọn ọmọ ogun sọ nìyí:
“Màá yọ́ wọn mọ́, màá sì yẹ̀ wọ́n wò,+Àbí kí ni kí n tún ṣe sí ọmọbìnrin àwọn èèyàn mi?
8 Ahọ́n wọn tó ń sọ ẹ̀tàn jẹ́ ọfà tó ń pani.
Ẹnì kan ń fi ẹnu rẹ̀ sọ̀rọ̀ àlàáfíà fún ọmọnìkejì rẹ̀,Àmọ́, ńṣe ló lúgọ dè é ní ọkàn rẹ̀.”
9 “Ǹjẹ́ kò yẹ kí n pè wọ́n wá jíhìn nítorí nǹkan wọ̀nyí?” ni Jèhófà wí.
“Ǹjẹ́ kò yẹ kí n* gbẹ̀san lára orílẹ̀-èdè tó ṣe irú èyí?+
10 Màá sunkún, màá sì kédàárò nítorí àwọn òkèMàá sì kọ orin arò* nítorí àwọn ibi ìjẹko tó wà ní aginjù,Torí a ti dáná sun wọ́n kí ẹnì kankan má bàa gba ibẹ̀ kọjá,A ò gbọ́ ìró ẹran ọ̀sìn níbẹ̀ mọ́.
Àwọn ẹyẹ ojú ọ̀run àti ẹranko ti sá, gbogbo wọn ti lọ.+
11 Màá sọ Jerúsálẹ́mù di òkìtì òkúta,+ ibùgbé àwọn ajáko,*+Màá sì sọ àwọn ìlú Júdà di ahoro, tí ẹnikẹ́ni kò ní gbé ibẹ̀.+
12 Ta ni ó gbọ́n tó lè lóye èyí?
Ta ni Jèhófà bá sọ̀rọ̀, kó lè kéde rẹ̀?
Kí nìdí tí ilẹ̀ náà fi pa run?
Kí nìdí tí iná fi jó o gbẹ bí aṣálẹ̀,Tí kò fi sí ẹnì kankan tó ń gba ibẹ̀ kọjá?”
13 Jèhófà fèsì pé: “Torí pé wọ́n kọ òfin* tí mo fún wọn, wọn ò tẹ̀ lé e, wọn ò sì ṣègbọràn sí ohùn mi.
14 Kàkà bẹ́ẹ̀, wọ́n ya alágídí, wọ́n ń ṣe ohun tí ọkàn búburú wọn sọ,+ wọ́n sì ń tẹ̀ lé àwọn ère Báálì bí àwọn bàbá wọn ṣe kọ́ wọn.+
15 Nítorí náà, Jèhófà Ọlọ́run àwọn ọmọ ogun, Ọlọ́run Ísírẹ́lì sọ pé, ‘Wò ó, màá mú kí àwọn èèyàn yìí jẹ iwọ,* màá sì mú kí wọ́n mu omi tó ní májèlé.+
16 Màá tú wọn ká sáàárín àwọn orílẹ̀-èdè tí àwọn pẹ̀lú àwọn baba wọn kò mọ̀,+ màá sì rán idà sí wọn títí màá fi pa wọ́n run.’+
17 “Ohun tí Jèhófà Ọlọ́run àwọn ọmọ ogun sọ nìyí,‘Ẹ fi òye hùwà.
Ẹ pe àwọn obìnrin tó ń kọ orin arò,*+Kí ẹ sì ránṣẹ́ pe àwọn obìnrin tó já fáfá,
18 Kí wọ́n yára, kí wọ́n sì ké ìdárò nítorí wa,Kí omijé lè kún ojú waKí omi sì lè máa dà lójú wa pẹ̀rẹ̀pẹ̀rẹ̀.+
19 Nítorí a ti gbọ́ ohùn ìdárò láti Síónì:+
“Ẹ wo bí wọ́n ṣe sọ wá di ahoro!
Ẹ wo bí ìtìjú wa ṣe pọ̀ tó!
Nítorí wọ́n ti lé wa kúrò ní ilẹ̀ náà, wọ́n sì ti wó àwọn ilé wa lulẹ̀.”+
20 Ẹ̀yin obìnrin, ẹ gbọ́ ọ̀rọ̀ Jèhófà.
Ẹ jẹ́ kí etí yín gbọ́ ọ̀rọ̀ ẹnu rẹ̀.
Ẹ kọ́ àwọn ọmọbìnrin yín ní ìdárò yìí,Kí kálukú yín sì kọ́ ẹnì kejì rẹ̀ ní orin arò* yìí.+
21 Nítorí ikú ti gba ojú fèrèsé* wa wọlé;Ó ti wọ àwọn ilé gogoro wa tó láàbòLáti mú àwọn ọmọ kúrò ní àwọn ojú ọ̀nàÀti láti mú àwọn ọ̀dọ́kùnrin kúrò ní àwọn ojúde ìlú.’+
22 Sọ pé, ‘Ohun tí Jèhófà sọ nìyí:
“Òkú àwọn èèyàn á dà bí ajílẹ̀ lórí ilẹ̀Àti bí ìtí ọkà tí olùkórè ṣẹ̀ṣẹ̀ gé sílẹ̀,Tí ẹnì kankan kò ní kó jọ.”’”+
23 Ohun tí Jèhófà sọ nìyí:
“Kí ọlọ́gbọ́n má ṣe yangàn nítorí ọgbọ́n rẹ̀;+Kí alágbára má ṣe yangàn nítorí agbára rẹ̀;Kí ọlọ́rọ̀ má sì yangàn nítorí ọrọ̀ rẹ̀.”+
24 “Ṣùgbọ́n kí ẹni tó bá fẹ́ yangàn máa yangàn nítorí ohun yìí:
Pé òun ní ìjìnlẹ̀ òye àti ìmọ̀ nípa mi,+Pé èmi ni Jèhófà, Ẹni tí ìfẹ́ rẹ̀ kì í yẹ̀, tó ń ṣe ìdájọ́ tí ó tọ́ àti òdodo ní ayé,+Nítorí nǹkan wọ̀nyí ni inú mi dùn sí,”+ ni Jèhófà wí.
25 Jèhófà sọ pé, “Wò ó! Ọjọ́ ń bọ̀ tí màá mú kí gbogbo àwọn tó kọlà* àmọ́ tí wọn ò kọlà* lóòótọ́ jíhìn+
26 àti Íjíbítì àti + Júdà+ àti Édómù+ àti àwọn ọmọ Ámónì+ àti Móábù+ pẹ̀lú gbogbo àwọn tí wọ́n gé irun wọn mọ́lẹ̀ ní ẹ̀bátí, tí wọ́n ń gbé ní aginjù.+ Nítorí gbogbo orílẹ̀-èdè jẹ́ aláìkọlà,* gbogbo ilé Ísírẹ́lì sì jẹ́ aláìkọlà* ọkàn.”+
Àlàyé Ìsàlẹ̀ Ìwé
^ Tàbí “ọkàn mi.”
^ Tàbí “orin ọ̀fọ̀.”
^ Tàbí “akátá.”
^ Tàbí “ìtọ́ni.”
^ Ìyẹn, igi kan tó korò gan-an.
^ Tàbí “orin ọ̀fọ̀.”
^ Tàbí “orin ọ̀fọ̀.”
^ Tàbí “wíńdò.”
^ Tàbí “dádọ̀dọ́.”
^ Tàbí “dádọ̀dọ́.”
^ Tàbí “aláìdádọ̀dọ́.”
^ Tàbí “aláìdádọ̀dọ́.”
