Orin Sólómọ́nì 3:1-11
3 “Lórí ibùsùn mi ní òru,Mo wá ẹni tí mo nífẹ̀ẹ́.*+
Mo wá a, àmọ́ mi ò rí i.+
2 Màá dìde, màá sì lọ káàkiri inú ìlú;Kí n lè wá ẹni tí mo nífẹ̀ẹ́,*Ní ojú ọ̀nà àti ní àwọn ojúde ìlú.
Mo wá a, àmọ́ mi ò rí i.
3 Àwọn tó ń ṣọ́ ìlú rí mi nígbà tí wọ́n ń lọ yí ká.+
Mo bi wọ́n pé, ‘Ṣé ẹ bá mi rí olólùfẹ́ mi?’*
4 Bí mo ṣe ní kí n kúrò lọ́dọ̀ wọn báyìíNi mo rí olólùfẹ́ mi.*
Mo rọ̀ mọ́ ọn, mi ò sì jẹ́ kó lọ,Títí mo fi mú un wá sínú ilé ìyá mi,+Sínú yàrá ẹni tó lóyún mi.
5 Mo mú kí ẹ búra, ẹ̀yin ọmọbìnrin Jerúsálẹ́mù,Kí ẹ fi àwọn egbin àti àwọn abo àgbọ̀nrín inú pápá búra:
Pé kí ẹ má ṣe ta ìfẹ́ jí, ẹ má sì ru ìfẹ́ sókè nínú mi, títí á fi wá fúnra rẹ̀.”+
6 “Kí ló ń jáde látinú aginjù yìí, tó ń rú túú bí èéfín,Tí òjíá àti tùràrí ń ta sánsán lára rẹ̀,Pẹ̀lú gbogbo àtíkè oníṣòwò tó ń ta sánsán?”+
7 “Wò ó! Ìtẹ́ Sólómọ́nì ni.
Ọgọ́ta (60) alágbára ọkùnrin ló yí i ká,Lára àwọn alágbára ọkùnrin ní Ísírẹ́lì,+
8 Gbogbo wọn ló ní idà,Gbogbo wọn kọ́ṣẹ́ ogun jíjà,Kálukú fi idà rẹ̀ sẹ́gbẹ̀ẹ́
Torí ewu ní òru.”
9 “Ìtẹ́* Ọba Sólómọ́nì ni,Tó fi igi Lẹ́bánónì+ ṣe fún ara rẹ̀.
10 Fàdákà ló fi ṣe àwọn òpó rẹ̀,Wúrà ló fi gbé e ró.
Òwú aláwọ̀ pọ́pù ló fi ṣe ìjókòó rẹ̀;Àwọn ọmọbìnrin Jerúsálẹ́mùṢe inú rẹ̀ lọ́ṣọ̀ọ́ tìfẹ́tìfẹ́.”
11 “Ẹ jáde lọ, ẹ̀yin ọmọbìnrin Síónì,Kí ẹ lọ wo Ọba Sólómọ́nìTó dé adé ọkọ ìyàwó* tí ìyá rẹ̀+ ṣe fún unNí ọjọ́ ìgbéyàwó rẹ̀,Ní ọjọ́ tí inú rẹ̀ ń dùn.”
Àlàyé Ìsàlẹ̀ Ìwé
^ Tàbí “tí ọkàn mi fẹ́.”
^ Tàbí “tí ọkàn mi fẹ́.”
^ Tàbí “ẹni tí ọkàn mi fẹ́.”
^ Tàbí “ẹni tí ọkàn mi fẹ́.”
^ Àga tí wọ́n fi nǹkan bò lórí, tí wọ́n fi ń gbé èèyàn pàtàkì.
^ Tàbí “adé tí wọ́n fi òdòdó hun.”
