Orin Sólómọ́nì 4:1-16
4 “Wò ó! O rẹwà gan-an, olólùfẹ́ mi.
Wò ó! O rẹwà gan-an.
Ojú rẹ rí bíi ti àdàbà, lábẹ́ aṣọ tí o fi bojú.
Irun rẹ dà bí agbo ewúrẹ́Tí wọ́n ń rọ́ bọ̀ láti orí àwọn òkè Gílíádì.+
2 Eyín rẹ dà bí agbo àgùntàn tí wọ́n ṣẹ̀ṣẹ̀ gé irun wọn,Tí wọ́n ṣẹ̀ṣẹ̀ wẹ̀ fún,Gbogbo wọn bí ìbejì,Ọmọ ìkankan nínú wọn ò sì sọ nù.
3 Ètè rẹ rí bí òwú aláwọ̀ rírẹ̀dòdò,Ọ̀rọ̀ ẹnu rẹ sì dùn.
Ẹ̀rẹ̀kẹ́* rẹ rí bí awẹ́ pómégíránétìLábẹ́ aṣọ tí o fi bojú.
4 Ọrùn rẹ+ dà bí ilé gogoro Dáfídì,+Tí wọ́n fi òkúta kọ́,Tí wọ́n gbé ẹgbẹ̀rún apata kọ́ sí ara rẹ̀,Gbogbo apata* tó jẹ́ ti àwọn ọkùnrin alágbára.+
5 Ọmú rẹ méjèèjì dà bí ọmọ àgbọ̀nrín méjì,Ó dà bí ọmọ egbin+ tí wọ́n jẹ́ ìbejì,Tí wọ́n ń jẹko láàárín àwọn òdòdó lílì.”
6 “Màá lọ sórí òkè òjíá,Màá gba ọ̀nà òkè tùràrí lọ,+Títí afẹ́fẹ́ yóò fi bẹ̀rẹ̀ sí í fẹ́,* tí òjìji kò sì ní sí mọ́.”
7 “O rẹwà látòkè délẹ̀, olólùfẹ́ mi,+Kò sí àbààwọ́n kankan lára rẹ.
8 Jẹ́ ká jọ máa bọ̀ láti Lẹ́bánónì, ìyàwó mi,Jẹ́ ká jọ máa bọ̀ láti Lẹ́bánónì.+
Sọ̀ kalẹ̀ láti téńté òkè Ámánà,*Láti téńté òkè Sénírì, téńté òkè Hámónì,+Látinú ihò kìnnìún, látorí àwọn òkè tí àwọn àmọ̀tẹ́kùn ń gbé.
9 O ti gbà mí lọ́kàn,+ arábìnrin mi, ìyàwó mi,Bí o ṣe ṣíjú wò mí báyìí, tí mo rí ọ̀kan nínú ẹ̀gbà ọrùn rẹ,Bẹ́ẹ̀ lo gbà mí lọ́kàn.
10 Arábìnrin mi, ìyàwó mi, ìfẹ́ tí ò ń fi hàn sí mi mà dára o!+
Ìfẹ́ tí ò ń fi hàn sí mi dára ju wáìnì lọ,+Kò sì sí lọ́fínńdà tó ń ta sánsán bíi tìrẹ!+
11 Oyin inú afárá+ ń kán tótó ní ètè rẹ, ìyàwó mi.
Oyin àti wàrà wà lábẹ́ ahọ́n rẹ,+Aṣọ rẹ sì ń ta sánsán bíi ti Lẹ́bánónì.
12 Arábìnrin mi, ìyàwó mi, dà bí ọgbà tí wọ́n tì,Ọgbà tí wọ́n tì, orísun omi tí wọ́n sé pa.
13 Àwọn ẹ̀ka* rẹ dà bí ọgbà pómégíránétì,*
Tó ní àwọn èso tó dára jù, àwọn ewé làálì pẹ̀lú ewé sípíkénádì,
14 Sípíkénádì+ àti òdòdó sáfúrónì, pòròpórò*+ àti igi sínámónì,+Pẹ̀lú oríṣiríṣi igi tùràrí, òjíá àti álóè+Àti gbogbo lọ́fínńdà tó dára jù.+
15 Orísun omi inú ọgbà ni ọ́, kànga omi tó mọ́Àti odò tó ń ṣàn láti Lẹ́bánónì.+
16 Jí, ìwọ atẹ́gùn àríwá;Wọlé wá, ìwọ atẹ́gùn gúúsù.
Fẹ́* sórí ọgbà mi.
Jẹ́ kí ìtasánsán rẹ̀ gbalẹ̀ kan.”
“Jẹ́ kí olólùfẹ́ mi wá sínú ọgbà rẹ̀
Kó sì jẹ àwọn èso rẹ̀ tó dára jù lọ.”
Àlàyé Ìsàlẹ̀ Ìwé
^ Tàbí “Ẹ̀bátí.”
^ Tàbí “apata ribiti.”
^ Ní Héb., “Títí ọjọ́ yóò fi bẹ̀rẹ̀ sí í mí.”
^ Tàbí “Òkè Lẹ́bánónì Kejì.”
^ Tàbí kó jẹ́, “Awọ.”
^ Tàbí “párádísè pómégíránétì.”
^ Esùsú tó ń ta sánsán.
^ Tàbí “Fẹ́ yẹ́ẹ́.”
