Orin Sólómọ́nì 6:1-13
6 “Ibo ni olólùfẹ́ rẹ lọ,Ìwọ tó rẹwà jù nínú àwọn obìnrin?
Ibo ni olólùfẹ́ rẹ gbà?
Jẹ́ ká jọ wá a lọ.”
2 “Olólùfẹ́ mi ti lọ sí ọgbà rẹ̀,Síbi ebè tí wọ́n gbin àwọn ewé tó ń ta sánsán sí,Kó lè tọ́jú àwọn àgùntàn nínú ọgbà,Kó sì já àwọn òdòdó lílì.+
3 Olólùfẹ́ mi ló ni mí,Èmi ni mo sì ni olólùfẹ́ mi.+
Ó ń tọ́jú àwọn àgùntàn láàárín àwọn òdòdó lílì.”+
4 “Olólùfẹ́ mi,+ o rẹwà bíi Tírísà,*+
O wuni bíi Jerúsálẹ́mù,+
O gbayì gan-an bí àwọn ọmọ ogun tó yí ọ̀págun wọn ká.+
5 Yí ojú rẹ+ kúrò lọ́dọ̀ mi,Torí ara mi ò gbà á.
Irun rẹ dà bí agbo ewúrẹ́
Tó ń rọ́ bọ̀ láti gẹ̀rẹ́gẹ̀rẹ́ Gílíádì.+
6 Eyín rẹ dà bí agbo àgùntàn,Tí wọ́n ṣẹ̀ṣẹ̀ wẹ̀ fún,Gbogbo wọn bí ìbejì,Ọmọ ìkankan nínú wọn ò sì sọ nù.
7 Àwọn ẹ̀rẹ̀kẹ́* rẹ rí bí awẹ́ pómégíránétì
Lábẹ́ aṣọ tí o fi bojú.
8 Ọgọ́ta (60) ayaba lè wà,Ọgọ́rin (80) wáhàrì* lè wà,Ọ̀dọ́bìnrin sì lè pọ̀ láìníye.+
9 Àmọ́ ọ̀kan ṣoṣo ni àdàbà mi,+ onítèmi tí ẹwà rẹ̀ ò lábùlà.
Ọ̀kan ṣoṣo tí ìyá rẹ̀ ní.
Òun ni ààyò* ẹni tó bí i.
Àwọn ọmọbìnrin rí i, wọ́n sì ń pè é ní aláyọ̀;Àwọn ayaba àti wáhàrì rí i, wọ́n sì ń yìn ín.
10 ‘Ta ni obìnrin yìí tó ń tàn* bí ìmọ́lẹ̀ òwúrọ̀,Tó lẹ́wà bí òṣùpá àrànmọ́jú,Tó mọ́ rekete bí ìmọ́lẹ̀ oòrùn,Tó gbayì gan-an bí àwọn ọmọ ogun tó yí ọ̀págun wọn ká?’”+
11 “Mo lọ sínú ọgbà igi eléso,+Kí n lè rí ohun tó ṣẹ̀ṣẹ̀ hù ní àfonífojì,Kí n lè rí i bóyá àjàrà ti hù,*
Bóyá àwọn igi pómégíránétì ti yọ òdòdó.
12 Kí n tó mọ̀,Ohun tó wù mí* ti mú kí n déIbi tí kẹ̀kẹ́ ẹṣin àwọn èèyàn mi pàtàkì* wà.”
13 “Pa dà wá, pa dà wá, Ṣúlámáítì!
Pa dà wá, pa dà wá,Ká lè máa wò ẹ́!”
“Kí ló dé tí ẹ̀ ń wo Ṣúlámáítì?”+
“Ó dà bí ijó àwùjọ méjì!”*
Àlàyé Ìsàlẹ̀ Ìwé
^ Tàbí “Ìlú Tó Wuni.”
^ Tàbí “ẹ̀bátí.”
^ Tàbí “ìyàwó onípò kejì.” Wo Àlàyé Ọ̀rọ̀, “Wáhàrì.”
^ Ní Héb., “ẹni mímọ́.”
^ Ní Héb., “tó ń sọ̀ kalẹ̀.”
^ Tàbí “yọ ìtànná.”
^ Tàbí “Ọkàn mi.”
^ Tàbí “tó fẹ́ yọ̀ǹda ara wọn.”
^ Tàbí “ijó Máhánáímù.”
