Sáàmù 13:1-6
Sí olùdarí. Orin Dáfídì.
13 Jèhófà, ìgbà wo lo máa gbàgbé mi dà? Ṣé títí láé ni?
Ìgbà wo lo máa gbé ojú rẹ pa mọ́ fún mi dà?+
2 Ìgbà wo ni mi* ò ní dààmú mọ́,Tí ẹ̀dùn ọkàn mi ojoojúmọ́ á sì dópin?
Ìgbà wo ni ọ̀tá mi ò ní jẹ gàba lé mi lórí mọ́?+
3 Bojú wò mí, kí o sì dá mi lóhùn, Jèhófà Ọlọ́run mi.
Tan ìmọ́lẹ̀ sí ojú mi, kí n má bàa sun oorun ikú,
4 Kí ọ̀tá mi má bàa sọ pé: “Mo ti ṣẹ́gun rẹ̀!”
Má ṣe jẹ́ kí àwọn tó ń ta kò mí yọ̀ lórí ìṣubú mi.+
5 Ní tèmi, ìfẹ́ rẹ tí kì í yẹ̀ ni mo gbẹ́kẹ̀ lé;+Àwọn iṣẹ́ ìgbàlà rẹ yóò máa mú ọkàn mi yọ̀.+
6 Ṣe ni èmi yóò máa kọrin sí Jèhófà, nítorí ó ti san èrè fún mi lọ́pọ̀lọpọ̀.*+
