Sáàmù 99:1-9
99 Jèhófà ti di Ọba.+ Kí jìnnìjìnnì bá àwọn èèyàn.
Ó gúnwà lórí* àwọn kérúbù.+ Kí ayé mì tìtì.
2 Jèhófà tóbi ní Síónì,Ó sì ga ju gbogbo èèyàn lọ.+
3 Kí wọ́n yin orúkọ ńlá rẹ,+Torí ó ń bani lẹ́rù, ó sì jẹ́ mímọ́.
4 Ọba alágbára ńlá tó nífẹ̀ẹ́ ìdájọ́ òdodo ni.+
O ti fìdí ohun tí ó tọ́ múlẹ̀ ṣinṣin.
O ti mú kí ìdájọ́ òdodo+ àti òtítọ́ wà ní Jékọ́bù.
5 Ẹ gbé Jèhófà Ọlọ́run wa ga,+ kí ẹ sì forí balẹ̀* níbi àpótí ìtìsẹ̀ rẹ̀;+Ẹni mímọ́ ni.+
6 Mósè àti Áárónì wà lára àwọn àlùfáà rẹ̀,+Sámúẹ́lì sì wà lára àwọn tó ń ké pe orúkọ rẹ̀.+
Wọ́n ń pe Jèhófà,Ó sì ń dá wọn lóhùn.+
7 Ó ń bá wọn sọ̀rọ̀ látinú ọwọ̀n ìkùukùu.*+
Wọ́n pa àwọn ìránnilétí rẹ̀ àti àṣẹ tó fún wọn mọ́.+
8 Jèhófà Ọlọ́run wa, o dá wọn lóhùn.+
Ìwọ ni Ọlọ́run tó ń dárí jì wọ́n,+Àmọ́ o fìyà jẹ wọ́n* nítorí ẹ̀ṣẹ̀ tí wọ́n dá.+
9 Ẹ gbé Jèhófà Ọlọ́run wa ga,+Kí ẹ sì forí balẹ̀* níwájú òkè mímọ́ rẹ̀.+
Nítorí Jèhófà Ọlọ́run wa jẹ́ mímọ́.+
Àlàyé Ìsàlẹ̀ Ìwé
^ Tàbí kó jẹ́,“láàárín.”
^ Tàbí “jọ́sìn.”
^ Tàbí “àwọsánmà tó rí bí òpó.”
^ Ní Héb., “o gbẹ̀san lára wọn.”
^ Tàbí “jọ́sìn.”
