Jèhófà kì í ṣe ojúsàájú. (Iṣe 10:34, 35) Ó tẹ́wọ́ gba àwọn èèyàn “láti inú gbogbo àwọn orílẹ̀-èdè àti ẹ̀yà àti ènìyàn àti ahọ́n.” (Iṣi 7:9) Torí náà, ìjọ Kristẹni kò fàyè gba ìwà ẹ̀tanú, a ò sì ń gbè sẹ́yìn ẹnì kankan. (Jak 2:1-4) Ẹ̀kọ́ Ọ̀rọ̀ Ọlọ́run ló jẹ́ kí èyí ṣeé ṣe, a sì ń gbádùn Párádísè tẹ̀mí èyí tó ń ràn wá lọ́wọ́ láti yí ìwà wa pa dà sí rere. (Ais 11:6-9) Bá a ṣe ń sapá láti fa ohunkóhun tó jẹ mọ́ ìwà ẹ̀tanú tu kúrò lọ́kàn wa, ńṣe là ń fi hàn pé a jẹ́ aláfarawé Ọlọ́run.—Ef 5:1, 2.

• Kí nìdí tí ẹ̀kọ́ Ọ̀rọ̀ Ọlọ́run fi ṣàǹfààní ju ìsapá àwọn èèyàn láti fòpin sí kẹ́lẹ́yàmẹ̀yà àti ẹ̀tanú?

• Kí ló wú ẹ lórí nípa ẹ̀gbẹ́ ará wa tó kárí ayé?

• Báwo la ṣe ń gbé Jèhófà ga tá a bá mú kí ìṣọ̀kan wà nínú ìjọ?