Mátíù orí 8 àti 9 sọ̀rọ̀ nípa iṣẹ́ òjíṣẹ́ Jésù ní àgbègbè Gálílì. Bí Jésù ṣe wo àwọn èèyàn sàn fi hàn pé alágbára ni, àmọ́ ní pàtàkì, ó fi hàn pé ó láàánú, ó sì nífẹ̀ẹ́ àwọn èèyàn gidigidi.

1. Jésù wo adẹ́tẹ̀ kan sàn.​—Mt 8:1-3.

2. Jésù wo ìránṣẹ́ ọ̀gá ológun kan sàn.​—Mt 8:5-13

   Ó wo ìyá ìyàwó Pétérù sàn.​—Mt 8:​14, 15

   Ó lé àwọn ẹ̀mí èṣù jáde, ó sì mú àwọn aláìsàn lára dá. ​—Mt 8:​16, 17

3. Jésù lé àwọn ẹ̀mí burúkú jáde sáàárín àwọn ẹlẹ́dẹ̀.​—Mt 8:​28-32

4. Jésù mú arọ lára dá.​—Mt 9:1-8.

   Ó mú obìnrin kan tó fọwọ́ kan aṣọ rẹ̀ lára dá, ó tún jí ọmọbìnrin Jáírù dìde.​—Mt 9:18-26

   Ó la ojú afọ́jú, ó mú kí odi sọ̀rọ̀.​—Mt 9:27-34

5. Jésù rìnrìn-àjò kárí àwọn ìlú àti abúlé, ó sì ń wo onírúurú àìsàn àti òkùnrùn sàn.​—Mt 9:35, 36

Báwo ni mo ṣe lè túbọ̀ máa ṣàánú àwọn èèyàn, kí n sì nífẹ̀ẹ́ wọn?